Mınıstr Erlan Saǵadıev esep berý kezdesýinde zalda 800 jýyq adam boldy, ata-alar jáne pedagogıkalyq qaýym, úkimettik emes uıymdar, bilim salasy qyzmetkerleriniń kásiptik odaqtarynyń ókilderi men pedagogıkalyq eńbek ardagerleri bilim berý salasynyń ózekti máselelerin kóterdi. Beıne konferensııalyq baılanys 5 aımaqpen qamtamasyz etildi. Kezdesý Bnews aqparattyq portaly, QR BǴM «Facebook» áleýmettik jelisindegi resmı paraqshasy jáne «Habar-24» telearnasy arqyly tikeleı efırde kórsetildi. Halyqtan kelip túsetin qosymsha saýaldar úshin zal aldynda hollda barlyq suraqtar tirkelip otyrǵan «Mınıstrge suraq qoı – Zadaı vopros mınıstrý» aqparattyq ústeliniń jumysy uıymdastyryldy.
Esep berý kezdesýiniń qorytyndysyn habarlaǵan soń, BǴM basshysy osy jyldyń mamyr-maýsym aılarynda ótetin birqatar is-sharalardy jarııalady. QR BǴM bastamasymen birinshi ret 2017 jyly ótkizilgen Jalpy ulttyq ata-analar jınalysy osy jyly da jarııalandy. «Sońǵy ýaqytta mektep pedagogtary ata-analardyń mektep ómirine álsiz qatysýyn aıtady. Ata-analar jınalysyna ata-analardyń 10-20 paıyzy ǵana qatysady. О́tken jyly Jalpy ulttyq ata-analar jınalysy keń jarııalanyp, mınıstrlik jumys berýshilerge ata-analardy jumystan erterek jiberý ótinishin bildirgende mektep jınalysyna ata-analardyń 80 paıyzy keldi» - dedi Erlan Saǵadıev. Mınıstr ata-analardy osy jyly da belsendilik tanytýǵa shaqyrdy. Osy jyly jınalys 15 mamyr Halyqaralyq Otbasy kúni ótedi. Erlan Saǵadıev 1 maýsymda ótetin sherý týraly da eske salyp ketti. QR BǴM bastamasy boıynsha jáne jergilikti atqarýshy organdardyń qoldaýy arqyly 1 maýsym Halyqaralyq balalardy qorǵaý kúni respýblıkalyq balalar jáne jastardyń mýzykalyq orkestrleri men ansamblderiniń sherýi ótedi. Aldyńǵy jylǵa qaraǵanda, osy jyly Sherýdi ótkizý geografııasy keńeıtiledi. Elimizdiń barlyq eldi-mekenderinde, iri-kishi aýyldardyń jáne qalalardyń ortalyq kóshelerinen bir ýaqytta saltanatty marshpen 500 myńnan astam oqýshy, olardyń ata-analary jáne pedagogtar ótedi. Sherýdiń daıyndyǵyna oqýshylar, mektep muǵalimderi, kolledjder men JOO oqytýshylary, ata-analar jáne mádenıet pen sport ókilderi belsendi at salysyp jatyr.
