«Rýhanı jańǵyrý» baǵdarlamasynyń Aqmola oblysynda júzege asyrylýynyń birinshi jyldyq qorytyndysyn tanystyrǵan óńir basshysy oblystaǵy rýhanı qundylyqtardy nasıhattaý men saqtap qalý maqsatynda úlken jumys atqarylǵanyn atap ótti. Mysaly, «Rýhanı qazyna» kishi baǵdarlamasy sheńberinde respýblıkalyq jobalar reestrine 97 áleýmettik-mádenı jáne ınfraqurylymdyq jobalar engen. 2017 jyly 298 mln teńgege 42 joba júzege asqan. Al bıyl 56 joba bastalypty.
«Osy baǵyttaǵy basty nátıjelerdiń biri Aqmola oblysyndaǵy 10 nysannyń «100 kıeli jer» respýblıkalyq tizimine engizilgeni bolyp tabylady. Atap aıtar bolsaq, olardyń qatarynda Qumaı arheologııalyq-etnografııalyq kesheni, Abylaı han alańy, Kenesary úńigiri, Batyǵaı kesenesi, Oqjetpes taýy, Qabanbaı batyr mazar-kesenesi, «Bespaqyr» jáne Baýbek batyr keseneleri bar. Búginde bul nysandar jalpyulttyq ıgilik bolyp tabylady», dedi M.Myrzalın.
Ákim atap ótkendeı, oblysta sondaı-aq QR kodtar – zamanaýı tehnologııalar kómegimen kıeli nysandar týraly aqparatty sıfrlandyrý boıynsha «Eskertkishter syr shertedi» atty joba iske asyrylýda. Máselen, birqatar aýdandardaǵy mádenı nysandarda jerles demeýshilerdiń qoldaýymen jóndeý jumystary júrgizilip, materıaldy-tehnıkalyq bazasyn jańartý jónindegi máseleler sheshilgen. Jalpy, bir jyl ishinde mesenattarmen 150,8 mln teńge kóleminde qoldaý kórsetilgen.
Oblys aýmaǵynda Botaı mádenıetin damytý jáne nasıhattaý maqsatynda Býrabaı aýdanynda «Vızıt Sentr «Botaı» arheologııalyq-etnografııalyq kesheniniń ashyq aspan astyndaǵy murajaıyn qurý josparlanyp otyr.
О́ńir basshysy sonymen qatar «Jańa gýmanıtarlyq bilim «Qazaq tilindegi 100 jańa oqýlyq» arnaıy jobasynyń erekshe rólin atap ótti. «Jańa gýmanıtarlyq bilim» platformasy negizinde 20 halyqaralyq ǵylymı-praktıkalyq konferensııa ótkizilip, 50 maqala jarııalandy, halyqaralyq konferensııalardyń nátıjesinde 2 jınaq, 3 monografııa jaryqqa shyqty», dedi óńir ákimi. M.Myrzalınniń málimdeýinshe, oblysta «Jer Jannaty» ensıklopedııasy, Keńes Odaǵynyń batyry Málik Ǵabdýllınniń ómiri men eńbegi týraly bir tomdyq albom basylyp shyqqan. Aldaǵy ýaqytta Málik Ǵabdýllınniń eńbekterin 11 tomdyq kitap etip jaryqqa shyǵarý kózdelgen. Sonymen qatar, ákim qazaq tarıhynda ótken belgili tulǵalardyń esimderi jańǵyrtylyp jatqanyn aıtty.
«Aqmola oblysy sal-seriler eli bolyp esepteledi. Bizdiń oblys Birjan sal, Aqan seri, Balýan Sholaq, Úkili Ybyraı jáne de basqa tulǵalardyń eli. Olardyń shyǵarmalary halyqtyń dúnıe tanymyn baıytyp, ulttyq qundylyqtar deńgeıine aınaldy. Qazir oblysta aımaqtyń áıgili tulǵalaryn odan ári nasıhattaý úshin kóptegen jumystar júrgizilýde. 2017 jyl aqmolalyqtar úshin aıtýly kezeń boldy. Prezıdent Jarlyǵymen bizdiń oblystyń Eńbekshilder aýdanyna Birjan sal atamyzdyń esimi, oblystyq fılarmonııaǵa Úkili Ybyraı, Kókshetaý qalasyndaǵy ulttyq sport túrleri boıynsha balalar men jasóspirimder sport mektebine Balýan Sholaq atalarymyzdyń esimderi berildi. Bul sharalar jas urpaqty tárbıeleý jáne qoǵamdaǵy rýhanı birlikti odan ári nyǵaıtýǵa múmkindik beredi dep senemin», dedi aımaq basshysy.
«Atameken» kishi baǵdarlamasy aıasynda Aqmola oblysynda bilim, densaýlyq saqtaý, mádenıet, sport jáne kommýnaldyq sharýashylyq salalarynda jalpy quny 5,2 mlrd teńgeni quraıtyn 59 áleýmettik joba iske asyp, 14 jańa áleýmettik nysandar salynǵan.
«Qorǵaljyn aýdanynda elimizdiń 80 paıyzdan astam qus túrleri mekendeıdi. Dál osy jerde respýblıkadaǵy alǵashqy aımaqtyq ornıtologııalyq ortalyq ashyldy. Bul jobany kásipker Túspekova Quralaı 53,5 mln teńgege túgeldeı qarjylandyrǵan jáne bastamashylyq etken. Maýsym aıynan bastap alǵashqy mektep ekspedısııalary bastalady. Sonymen qatar osy jyly ortalyq bazasynda jalpy quny 25 mln. teńgege zerthananyń, tórt baqylaý pýnktileriniń ashylýy, sporttyq ornıtologııa festıvalin ótkizý, keshendi ǵylymı-tanýshylyq ornıtologııalyq is-sharalardy ótkizý josparlanyp otyr», dedi ákim. Sondaı-aq ol qazaqstandyqtardy óz týǵan ólkesin súıýge, shyqqan tegin, mádenıetin jáne halqynyń salt-dástúrlerin bilýge shaqyratyn «Týǵan jer» arnaıy jobasy aıasynda Qorǵaljyn aýdanynda «Baltabek» týrıstik kesheni ashylǵanyn, onda týrısterge atpen serýendeýge jáne Tazy men Tóbet asyl tuqymdy ıtterdiń súıemeldeýimen ańshylyqqa shyǵý usynylǵanyn atap ótti. Al bıyl taǵy da 30 áleýmettik joba bastaý almaq. Mysaly, Selınograd aýdanynda jergilikti týmalardyń bastamasymen shamamen 2 mlrd teńge kóleminde 2 jańa mektep pen 2 balabaqshanyń qurylysy usynylǵan.
«Jalpy Aqmola oblysynda «Rýhanı jańǵyrý» baǵdarlamasyn júzege asyrý boıynsha júıeli jumys quryldy. О́ńirimizdiń óz qundylyqtary, erekshelikteri bar, al eń bastysy rýhanı qundylyqtardy qalyptastyrý arqyly patrıotızm tanytatyn adamdar bar», dep qorytyndylady oblys ákimi.
Dınara BITIK,
«Egemen Qazaqstan»
