Fýtbol áleminiń eń qymbat brendi ataǵyn Anglııanyń «Manchester Iýnaıted» klýby eshkimge bermeı keledi. Agenttik MIý brendin 1,895 mıllıard AQSh dollaryna baǵalaǵan.
Aǵylshyn Premer-lıgasynyń bıylǵy maýsymynda «qyzyl soıqandar» merziminen buryn kúmis medaldy enshilegen bolatyn. Budan tys, «Chelsımen» álemdegi eń qart fýtbol trofeıi - Anglııa Kýbogynyń fınalynda oınaıdy.
Tizimniń ekinshi jáne úshinshi oryndaryn 1,573 mlrd dollarǵa baǵalanǵan «Real Madrıd» jáne 1,511 mlrd dollarlyq «Barselona» klýbtary ıelenip otyr. Al eń qarqyndy damyp kele jatqan fýtbol brendteriniń arasynda merziminen buryn Ispanııa chempıony atanyp, Korol Kýbogyn da jeńip alǵan «Barsa» aldyna jan salmaı tur. Odan keıingi oryndarda «Real Madrıd» pen «Manchester Iýnaıted» keledi. Úzdikter bestigin Mıýnhenniń «Bavarııasy» men ÝEFA Chempıondar lıgasynyń fınalynda «Madrıdpen» oınaıtyn «Lıverpýl» túıindedi. Brand Finance-tyń tolyq reıtıngin myna jerden qaraýǵa bolady.
