Jarystyń basty maqsaty - halyq arasynda buqaralyq sportty damytý jáne eldiń eń úzdik sportshylaryn anyqtaý.
Chempıonat uıymdastyrýshylary - QR Mádenıet jáne sport mınıstrligi, elordanyń mádenıet jáne sport basqarmasy, «Astana qalasy ákimdiginiń sporttyq-buqaralyq is-sharalardy ótkizý dıreksııasy» Kommýnaldyq-qazynalyq kásiporny.
Chempıonat AIBA talaptaryna saı 10 salmaq sanaty boıynsha ótedi. Uıymdastyrýshylar jeńimpazdar men júldegerler Ulttyq Olımpıadalyq komıtettiń erejelerine sáıkes arnaıy dıplomdarmen jáne medaldarmen marapattalatynyn atap ótýde. Chempıonattyń ashylýy 13 mamyr kúni saǵat 16:00-de ótedi.
Aldyn ala jekpe-jekter: 13 mamyr kúni saǵat 16:30-da, 14 mamyr kúni saǵat 12:00-de; ¼ fınal: 15 mamyr, saǵat 12:00-de; Jartylaı fınal: 17 mamyr, saǵat 12:00-de ótetini josparlanǵan.
