Atap ótilgendeı, «Habar» Agenttigi» AQ Basqarma tóraıymy laýazymyn eki jyl boıy atqarǵan Almagúl Ahmetjanova qyzmetinen bosatyldy.
Alan Ǵazızuly Ájibaev 1974 jylǵy 22 qańtarda Almaty qalasynda týǵan. Qazaq jáne orys tilderin meńgergen.
1996 jyly Abaı atyndaǵy Almaty memlekettik ýnıversıtetin bitirgen, sondaı-aq Ulybrıtanııanyń Lankshır ýnıversıtetiniń «BAQ-taǵy menedjment» sertıfıkatyna ıe.
1994-1995 jyldary «Maks» teleradıokompanııasynda radıojúrgizýshi, 1995-1997 jyldary «31-arnada» telejúrgizýshi bolyp jumys istedi, 1997-1998 jyldary «City» teleradıokompanııasy» JShS baǵdarlamalar jónindegi dırektory, 1999 jyly «Radıo Karavan» dırektory laýazymdaryn atqardy.
1999-2008 jyldar aralyǵynda kásipkerlik qyzmetpen aınalysty. Odan keıingi jyldarda «Tań» teleradıokompanııasy» JShS-tiń, «Tengrı FM» radıosynyń bas prodıýseri, 2012-2014 jyldary «SKYMAX MEDIA» bas dırektory, 2014-2016 jyldary «Aıqyn» jáne «Lıter» qoǵamdyq-saıası gazetteriniń dırektory boldy.
2016-2018 jyldary Qazaqstan Respýblıkasynyń Aqparat jáne kommýnıkasııalar vıse-mınıstri laýazymyn atqardy. Almagúl Aýǵalıqyzy Ahmetjanova 1975 jyly 4 jeltoqsan kúni Almaty qalasynda dúnıege kelgen.
1998 jyly Ál-Farabı atyndaǵy Qazaq ulttyq ýnıversıtetin «Áleýmettaný» mamandyǵy boıynsha bitirgen. Magıstr dárejesi bar. Agenttiktegi qyzmetin 1999 jyly bas redaktor retinde bastaǵan. Keıin prodıýser, 2002-2004 jyldary baǵdarlamalar dıreksııasy basshysynyń orynbasary, 2005-2011 jyldary baǵdarlamalar dırektory, 2012-2016 jyldary - Basqarma Tóraǵasynyń birinshi orynbasary qyzmetterin atqardy.
