"Eń aldymen, qarjy ortalyǵy keremet ıdeıa ekenin aıtqym keledi. Sebebi osy kúnge deıin Ortalyq Azııada qarjy ortalyǵy bolǵan emes. Degenmen, oǵan degen qajettilik únemi boldy. Álemniń kez kelgen túkpirindegi memleket damýdy maqsat etse, Qarjy ortalyǵyn qurýy kerek dep oılaımyn. Negizinen, qarjy ortalyqtary aımaqtaǵy eń iri memleketterde emes, shaǵyn elderde bolady", dedi ol. О́z sózinde Alfred Gýzenbaýer Qazaqstan geografııalyq turǵyda jaqsy ornalasqanyn sátti paıdalanyp, ózin jaqsy qyrynan kórsete bilgenin aıtty. "Biz barlyq óńir úshin qyzmet usynýshymyz. Sondyqtan negiz retinde jalpyeýropalyq quqyq engizý ıdeıasy durys dep oılaımyz. Bul qarjy naryǵyna halyqaralyq qatysýshylardy tartýǵa múmkindik beredi. Al kóptegen zańdy tulǵalar ózderi úırengen ortaǵa, turaqty ortaǵa barǵandy jón sanaıdy. Osy retti Qazaqstannyń múmkindigi zor dep aıta alamyn jáne barlyǵy sátti bolatynyna senimdimin", dedi ol.
