Is-áreketti zertteý (Action Research) jáne sabaqty zertteý (Lesson Study) sheńberinde ekinshi ret uıymdastyrylǵan konferensııaǵa 100-den asa muǵalim qatysyp, is-tájirıbe almasty.
Konferensııanyń basty maqsaty – muǵalimderdiń sabaqty zertteýine qatysty pikir almasý alańyn qurý, óz tájirıbesinde zertteý júrgizip júrgen ustazdarǵa ary qaraı damý úshin jaǵdaı jasaý. О́zektiligi kún sanap artyp kele jatqan konferensııaǵa byltyr 80 muǵalim qatyssa, bıyl 100-den asa muǵalim qatysýǵa qyzyǵýshylyq bildirdi, deıdi mektep dırektorynyń ǵylymı-ádistemelik isteri jónindegi orynbasary Baqytgúl Jaqsylyqova.
О́lke muǵalimderiniń basyn qosqan jıynda mektep dırektory Ermek Paızov, is áreketti zertteý tájirıbesi zııatkerlik mektep muǵalimderiniń tájirıbesin shyńdaýǵa oń yqpalyn tıgizip jatqanyn atap ótti. Onyń aıtýynsha, sabaqty zertteýmen aınalysqan ustazdar sany kún sanap artyp keledi.
2016 jyly mektebimizdegi matematıka páni muǵalimi Dýblındegi «European Conference on Educational Research” dúnıejúzilik konferensııasyna qatysyp, óz tájirıbesimen bólisse, 2017 jyly bul konferensııaǵa Danııaǵa baryp, mektebimizden 3 muǵalim qatysyp keldi. Al bıyl, bul jıynǵa qatysýǵa mektebimizden 18 zertteý jumysy jiberilip, sonyń 7-eýi irikteýden ótip, shaqyrtý aldy, dedi Ermek Paızov.
Onyń sózinshe, shaqyrtý alǵan muǵalimder 2018 jyldyń qyrkúıeginde Italııadaǵy Bolzano qalasyna baryp, dúnıe júziniń túkpir-túkpirinen jınalǵan pedagogtarmen tájirıbe almasady, óz zertteýlerimen bólisedi.
Mektep dırektory mundaı konferensııaǵa basqa da mektepterden muǵalimderdiń qatystyrý maqsatynda uıymdastyrylyp jatqandyǵyn erekshe aıtyp ótti.
Konferensııa «Oqý jáne oqytý», «Saralap oqytý jáne baǵalaý», «Muǵalimniń kóshbasshylyǵy jáne zertteýshilik» seksııalarynan turdy. Oblystaǵy jalpy bilim berý mektepterinen jınalǵan ustazdar da óz tájirıbelerimen bólisip, usynystar aıtyldy. Aıta ketý kerek, Aqtaýdaǵy pedagogıkalyq sheberlik ortalyǵynyń tájirıbeli trenerleri ustazdar aldynda ózekti taqyrypty qozǵap, kóp kómek berdi.
- 2014 jyly deńgeılik kýrstan ótken bolatynmyn. Sol ýaqyttan beri sabaqty zertteý úrdisine qatysyp júrmin. Sabaqty jáne balanyń is-áreketin zertteý jaqsy nátıje berpdi dep aıta alamyn. О́ıtkeni, ózim sabaq beretin synyptardaǵy balalardyń deńgeıin, olardyń damý baǵyttary anyqtalyp, jaqsy nátıje kórsetti. Zertteýimdi áli de jalǵastyramyn, sebebi bul – bala men muǵalim eńbeginiń kórinisi, deıdi Beıneý gımnazııasyndaǵy hımııa-bıologııa páni muǵalimi Aıgúl Qılybaeva.
Konferensııaǵa sońynda qatysýshylarǵa sertıfıkattar tabystaldy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
