«Barselona» shabýylshysy Lıonel Messı TyC Sports basylymyna «Realdyń» quramy jáne oıyny, sonymen qatar óz klýbynyń Chempıondar lıgasyndaǵy sátsizdigi týraly aıtyp berdi.
«Realdyń» pozısııalaryna qaraıtyn bolsaq, bizdiń klýbta álemniń eń myqty fýtbolshylary oınaıdy. Biraq Madrıd komandasynyń ózderine tán artyqshylyqtary bar. Olar nashar oıyn kórsetip jatsa da nátıje shyǵara biledi. Al biz jeńiske jetý úshin qarsylas komandadan eki-úsh ese myqty bolyp, tipti olardan asyp túsýimiz kerek. Chempıondar lıgasynda biz ózimiz qatelik jiberdik. Birinshi oıynnyń nátıjesi boıynsha jaqsy múmkindikke ıe bola tura, jartylaı fınalǵa shyǵa almadyq», deıdi Messı.
«Wild card» ıeleri anyqtaldy
Fransııada 21 mamyr men 10 maýsym aralyǵynda «Úlken dýlyǵa» sanatyna enetin tennısten Fransııa ashyq chempıonaty ıaǵnı, «Rolan Garros» týrnıri ótedi.
Atalǵan básekeniń negizgi týr oıyndaryna qatysý múmkindigin beretin «Wild card» joldamasyn alǵan tennısshilerdiń tizimi belgili boldy.
Qyzdar arasynda joldamany fransııalyq tennısshiler Fıona Ferro, Mırtıı Jorj, Amandın Esse, Kloe Pake, Polın Parmente, Djessıka Ponshe jáne amerıkalyq Teılor Taýnsend ıelendi.
Al erler arasynda Gregýar Barrere, Ellıo Benshetrı, Kalvın Emerı, Maksım Janve, Nıkolıa Maıý, Korenten Mýte jáne Noa Rýbın «Wild card» joldamasyn aldy.
Planshet ustaýǵa ruqsat berdi
Halyqaralyq fýtbol uıymynyń keńesi (IFAB) match kezinde jattyqtyrýshylar shtabyna mobıldi elektron qoldanbalaryn paıdalanýǵa ruqsat berdi.
Osyǵan oraı FIFA ÁCh-2018 qatysýshylaryna tehnıkalyq jabdyqtardyń jıyntyǵyn usynýdy josparlap otyr. Ol jattyqtyrýshylarǵa oıyndy taldaýshylarmen sóılesýge múmkindik beredi.
Árbir quramaǵa eki planshet beriledi: biri trıbýna syrtynan oıyndy tamashalap matchqa taldaý jasaıtyn mamanǵa, ekinshisi jattyqtyrýshylar shtabyna. Sonymen qatar quramalar matchtan keıingi FIFA-nyń ókilderi jasaǵan arnaıy oıyn taldaýyn da ala alady.
Daıyndaǵan
Álı BITО́RE,
«Egemen Qazaqstan»
