Aksııanyń negizgi maqsaty atalǵan forýmdy nasıhattaý, sondaı-aq halyqaralyq «Jasyl tehnologııalar» ortalyǵynyń jumysyn jandandyryp, ondaǵy ınvestısııalyq jobalardyń azamattyq sektormen, bıznes jáne áleýmettik nysandarmen yntymaqtastyǵyn kórsetý. Is-sharaǵa №50 mektep-lıseıiniń oqýshylary, forým qonaqtary, Qazaqstannyń ekologııalyq qoǵam qaıratkerleri, seriktester qatysty.
Aksııanyń arnaıy qonaǵy ǵaryshker Andrıana Maraıs boldy. Estip bilgenimizdeı, Astana ekonomıkalyq forýmyna kelgen kvanttyq bıologııa salasynyń 35 jastaǵy ǵalymy A.Maraıs – 2024 jyly Marsqa ushýdy josparlaǵan ońtústikafrıkalyq azamatsha. Ol álemdegi 100 adamnyń biri, Qyzyl planetaǵa barý jáne sol jerde adamdyq kolonııa qurý úshin «One Mars» jobasynyń qysqa tizimine kirgen biregeı tulǵa retinde qazǵarysh mektebiniń oqýshylaryna óte tanymal. Aksııa bastalǵanǵa deıin 5-synyptan Morze alfavıtin oqyp, ǵarysh salasynyń negizin úırenip jatqan, jastaıynan ǵaryshker bolýdy armandaǵan jetkinshekterdiń san alýan saýaldaryna jaýap berdi. Kezdesý barysynda Adrıana Maraıs Marsqa birjola ketpekshi ekendigin málimdedi. «Eger jolym bolyp jatsa, qyzyl ǵalamsharda ómirimniń sońyna deıin turaqtap qalýǵa nıettimin. Marsta alǵashqylardyń biri bolyp, tirshilik etýdi armandaımyn», deıdi ol.
Áńgime arasynda Maraıs hanym Marsqa Baıqońyrdan ushý oıynda baryn jetkizdi. Ol úshin Qazaqstanǵa taǵy da sapar shegip, bizdegi ǵarysh aılaǵyn jiti zerttep-zerdelemekshi ekendigin aıtty.
– Osy kelgenimde Astanaǵa, jalpy Qazaqstanǵa ǵashyq boldym. Baıqońyrdy burynnan biletinmin. Endi sol jaqqa barǵym keledi. Sizderden bir emes, úsh birdeı ǵaryshker shyqqan. Sondyqtan, múmkindik bolsa, Marsqa Baıqońyrdan ushý oıymda bar. Qyzyl planetany zerttep júrgenime biraz boldy. Onda muz bar ekeni anyqtaldy. Iаǵnı sý bolsa, tirshilik bar degen sóz. Sondyqtan Marsqa birjola ketip, sonda ómir súrýdi kózdeımin», – dedi batyr qyz A.Maraıs.
Raıymbek batyr atyndaǵy mektep fızıka-matematıka baǵytyna negizdelgen. Oqýshylarǵa ǵarysh álemi munda barynsha tereńdetilip oqytylady. Jáne bir ereksheligi – oqý ordasynda «jasyl ekonomıka» saıasaty sátti júzege asyrylǵan. Mektep jylýdy kúnnen alady. Arnaıy qondyrǵylar ornatylǵan. Sondyqtan tek Adrıana Maraıs emes, forýmǵa kelgen ózge de meımandar osy bilim oshaǵyna arnaıy at basyn buryp, mundaǵy «jasyl tehnologııalar» aıasyndaǵy tyń jetistiktermen tanysty.
– Elimizge kelgen bizdiń qurmetti qonaqtarymyz Qazaqstandaǵy osy baǵdarlamany óte durys deıdi. О́ıtkeni «jasyl ekonomıkany» halyqqa taratý úshin ony kórsetý kerek. Bizdiń osyndaı «jasyl tehnologııa» boıynsha atqarylyp jatqan jumystarymyzǵa olar qazir ózderiniń joǵary baǵasyn berip otyr», deıdi «Jasyl tehnologııalar» men ınvestısııalyq jobalar ortalyǵy» basqarma tóraǵasynyń orynbasary Saltanat Raqymbekova.
Kórmemen tanysqan soń meımandar mektep aldyna kóshetter otyrǵyzdy. Mektep dırektory Roza Bolataevanyń aıtýynsha ol jer endi «jasyl tehnologııalar» halyqaralyq ortalyǵy alleıasy dep atalmaq. «Aǵash egý – árbir adamnyń ekologııalyq máselege álemdik deńgeıde atsalysýy degen sóz. Onyń basy-qasynda júrgen «Jasyl ekonomıka» jáne G-Global Koalısııasymen áleýmettik seriktes retinde jumys atqaryp kelemiz. Bizdiń oqýshylar «Jasyl bolashaq» atty jobany qorǵap, osy seriktester arqyly ony ári qaraı iske asyrýdy josparlaýda. Bolashaqta «Jasyl bolashaq» jobasymen mektep aýlasynda jylyjaı ornatýdy kózdep otyrmyz», deıdi Roza Ábilákimqyzy.
Mıras ASAN,
«Egemen Qazaqstan»
