Bilektiń kúshi

Elimizde qol kúresinen álem chempıonaty ótti Eń ejelgi sport túriniń biri – qol kúresi álem­dik sport tilinde armrestlıng dep atalady. Al Almatyda birinshi ret 30 qarasha-3 jeltoqsan ara­­lyǵynda qol kúresi boıynsha álem chem­pıo­na­ty ótti. Aldyn-ala belgili bolǵanyndaı, bul saı­ys­qa 47 memleketten 1500 sportshy, munan bólek 200-ge tarta jattyqtyrýshy men basqa da bapkerler qatysty. Birden aıta ketý kerek, bul jarysta álemdik armrestlıng saıysynyń 33-shi bas júldesin Reseı qu­ra­ma komandasy jeńip aldy. Ekinshi oryn – Qazaqstan ko­mandasynyń qanjyǵasyna baılansa, úshinshi oryn­dy – Ýkraına sportshylary ıemdendi. Eger dál osy kúnderi sportsúıer qaýym aqpa­rat­tardy aqtarystyryp, saıt­tardy súzip shyǵar bolsa, Almatyda ótken álem chem­pıonatyna qa­tys­qan el­der­diń buqaralyq aqparat quraldary óz sport­shy­larynyń jetistikterin jahanǵa jar sa­lyp, jarııalap jatqanyn kórgen bolar edi. Bul kúnderi saıystyń bas júldesin jeńip al­ǵan reseılikterdiń de, qola júlde ıegerleri ýk­raın­dyqtardyń da qýanyshynda shek joq. Olar­dyń bel ortasynan kóringen kúmis júldeli Qa­zaqstan ko­­­­man­­­dasy da qol kúresinen osal emestigin osy joly anyq kórsetti. Kórshi qyrǵyz­dar­dyń ózi toǵyz medal jeńip alǵanyn maqta­nyshpen málimdep otyr. Álem chempıonaty aldymen jasóspirimder, ardagerler men múmkindigi shekteýli sportshy­lar­dyń saıy­synan bastalǵanyn aıta ketý kerek. Múm­kin­­­digi shekteýli sportshylar arasyndaǵy saı­ystyń jaı-japsaryn reseılik armrestler Rýs­lan Mametovten artyq biletin jan joq. Reseı Federa­sııa­sy­nyń eńbek sińirgen sport sheberi Rýslan Mametov – on dúrkin álem chempıony. Tipti 11 ret qatarynan Eýropa chempıonatynyń bas júl­­desin basqaǵa bermegen bilekti sportshy Qa­zaq­standaǵy álem chem­pıo­naty joǵary deńgeıde ótti dep esepteıdi. Kerisinshe, Álemdik armrestlıng federasııa­sy­nyń vıse-prezıdenti Muhamedolla Aǵzamov bul saı­ysty munan da jaqsy uıymdastyrýǵa bo­latyn edi dep oı­laıdy. Sebebi, Qazaqstan olım­pıa­dalyq emes osy sport túrin qoldaýǵa úlken qarajat bólýge asy­ǵar emes. Onyń aıtýynsha, qol kúresi saıysy Týrızm jáne sport mınıstrligi nazaryna tek eki jyl buryn ǵana ilikken. Alaıda, osyǵan qara­mastan, qazaq­stan­­­dyq sport­­­shylar arm­rest­lıng boıynsha álemdik kósh­­basshylar qata­rynan kórinip otyr. Qazaqstannyń taǵy bir kemshiligi – qol kúresi sporty múmkindigi shek­teýli jan­dar, ıaǵnı múgedekter arasynda keńinen taramaǵan. Sonymen, Qazaqstan komandasynyń júlde qor­jynyna alǵashqy altyndy jasóspirimder ara­synda Maǵjan Shámıev saldy. Jartylaı fınalda reseılik qarsylasyn eńsergen M.Shámıev sheshýshi saıys­ta slovak sportshysynan basym tústi. Jalpy, qa­zaq­standyqtardyń qorjynynda 19 al­tyn medal bar. Sonymen, qol kúresinen kelesi álem chempıo­na­ty Brazılııada ótetin bolady. Aınash ESALI. Almaty.