«Egemen Qazaqstannyń» arnaıy jobasy: Jasampazdyq jemisteri
Jıyrma jyldyń ishinde atqarylǵan ıgi isterdiń arqasynda árbir óńirimiz ózgerip, ómirimiz jaqsaryp keledi. «Egemen Qazaqstan» gazeti osyndaı órkendi ózgeristerdi beıneleıtin materıaldardy turaqty jarııalap turady. Tómende Aqmola oblysynyń Býrabaı aýdanyndaǵy «Esil-Agro» jaýapkershiligi shekteýli seriktestiginen fotoreportaj berilip otyr.
Qazaqstan Prezıdenti N.Á.Nazarbaev osynaý qysqa merzimde «Esil-Agroǵa» eki ret keldi. Alǵashynda Abylaıhan, Aqylbaı, Baıanbaı, Mádenıet, Qarabulaq aýyldarynda aýyl sharýashylyǵy kásiporyndaryn quryp, qurǵaq ýádege baı jarylqaýshylardan jalyqqan eldiń turmysyn túzep, qyrmanyn qyzylǵa toltyrǵan esildikterdiń ıgi umtylys úrdisterine yrzalyǵyn bildirgen. «Aqylbaıdyń» aq kúmis alqaptarynda jaıqalǵan egindi belýardan keship turyp fırma dırektory Asylbek Esmaǵambetovke bolashaq baǵamyndaǵy keńester bergeni de esimizde.
Elbasy erteńge qaratyp aıtqanda, shıkizattyq óndiristiń kúni ótkendigin, tabys joly – ónimdi qaıta óńdeýde ekendigin, ol úshin sóz qorymyzǵa áli qosyla qoımaǵan klasterlik júıeni qolǵa alýymyz qajettigin alǵa tartty. О́ńirge aty belgili azamat, «Qurmet» ordeniniń ıegeri, oblystyq máslıhattyń depýtaty Asylbek Saılaýbekuly óz qadamdarynyń Memleket basshysynyń oı-nıetterimen sabaqtas ekendigin uqty. Bul qosymsha jaýapkershiliktegi úlken syn edi. Onyń ústine Býrabaı arnaıy ekonomıkalyq aımaǵynyń qurylýy, álemdik deńgeıdegi tuńǵysh «Astana-Býrabaı» avtobanynyń salynýy, Astananyń azyq-túlik beldeýin qamtamasyz etý jónindegi prezıdenttik tapsyrma qulashty keńge sermeýge múmkindik ashyp otyr. Saýatty daıyndalǵan bıznes jobalar saraptamadan súrinbeı ótip, memlekettiń qarjylaı qoldaý kózderi keńeıdi.
Fırma árbir tıynnyń tıimdi jumsalýyn qatań qadaǵalaıdy. Qaıtarymsyz qadam degen joq, álem tanyǵan «AlPro» elektrondy júıesi bárin kórip turady. Sońǵy jyldary satyp alynǵan 112 aýylsharýashylyq tehnıkalarynyń basym bóligi sheteldik sońǵy úlgidegi mashınalar. Astyq, burshaq jáne maıly daqyldar fırma ornalasqan Kenesary aýylyndaǵy elevatorda saqtalyp, óńdelse, Shýche qalasyndaǵy «Aına» sút zaýytynda sút ónimderiniń otyz túri daıyndalady.
«Esil-Agro» 2008 jylǵa deıin sútti ózine qarasty alty sharýashylyqtaǵy qabyldaý pýnktterinen jınaıtyn. Ol táýligine 20 tonna shıkizat óńdeıtin zaýyttyń suranysyn qamtamasyz ete almady. Kún tártibine 1200 bas saýyn sıyrǵa arnalǵan zamanalyq taýarly-sút keshenin salý máselesi shyǵaryldy. Zor daıyndyqpen bastalǵan joba araǵa jyl salyp esigin ashty. Vengrııadan «golshtın-frız» asyl tuqymdy 600 bas sıyr jetkizildi. Qazir tabyn óz tóli esebinen tolyǵyp keledi. Aldaǵy kezde taǵy da 600 bas sıyr aldyrylmaq. Bólektep aıtarymyz, árqaısysy jylyna 10 myń lıtr sút beretin osynshama sıyrdy tórt-aq operator saýatyndyǵy. Muny aıtyp otyrǵandyǵymyz, keshende jer júziniń 112 elindegi sút óndirýshiler bedeline ıe bolǵan Shvesııanyń «DeLaval» kompanııasynyń synnan ótken jabdyqtary ornalastyrylǵanynan derek berý. Ferma ujymy jobalyq qýatyna enetin jýyq aılarda táýligine 25-26 tonna sút alynatyn bolady. Qazirdiń ózinde «Esil-Agronyń» sút brendi oblys aýmaǵymen qosa, Astananyń 26 dúkeninde tutynýshylar talǵamynan shyǵýda.
Bıyl dıqandarymyz gektar túsimdiligin eselep arttyrdy. Elevatorymyz qyzý eńbek qushaǵynda. Dıirmenimizdiń qýattylyǵy táýligine 120 tonnaǵa jetedi. Osynyń barlyǵy Táýelsizdik sharapatynyń, memlekettiń aýyl óndirisin qoldaýynyń nátıjesinde múmkin bolyp otyr. «Esil-Agro» erteńine senimdi, deıdi fırma basshysy Asylbek Esmaǵambetov.
Aqmola oblysy, Býrabaı aýdany.
________________________
Arnaıy betti daıyndaǵan «Egemen Qazaqstan» gazetiniń Aqmola oblysy boıynsha menshikti tilshisi Baqbergen AMALBEK.
Jıyrma jyldyń ishinde atqarylǵan ıgi isterdiń arqasynda árbir óńirimiz ózgerip, ómirimiz jaqsaryp keledi. «Egemen Qazaqstan» gazeti osyndaı órkendi ózgeristerdi beıneleıtin materıaldardy turaqty jarııalap turady. Tómende Aqmola oblysynyń Býrabaı aýdanyndaǵy «Esil-Agro» jaýapkershiligi shekteýli seriktestiginen fotoreportaj berilip otyr.
«ESIL-AGRO»
Býrabaı aýmaǵynda býyrqanǵan tirshilik qaınap jatady. Kýrortty óńirdiń kórikti kórinetini osydan da bolsa kerek. Munda jaı ǵana tirshilik emes, zaman aǵymyna saı jańa qadamdar jetegindegi bastamalar nazar aýdartatynyna ishiń jylıdy. Solardyń biri 2005 jyldyń 1 jeltoqsanynda qurylǵan «Esil-Agro» jaýapkershiligi shekteýli seriktestigi desek bolady. Bul elimizdegi ınvestısııalyq qanatqaqty jobalardyń qarlyǵashtary sanatyndaǵy sátti ujym retinde qalyptasty.
Qazaqstan Prezıdenti N.Á.Nazarbaev osynaý qysqa merzimde «Esil-Agroǵa» eki ret keldi. Alǵashynda Abylaıhan, Aqylbaı, Baıanbaı, Mádenıet, Qarabulaq aýyldarynda aýyl sharýashylyǵy kásiporyndaryn quryp, qurǵaq ýádege baı jarylqaýshylardan jalyqqan eldiń turmysyn túzep, qyrmanyn qyzylǵa toltyrǵan esildikterdiń ıgi umtylys úrdisterine yrzalyǵyn bildirgen. «Aqylbaıdyń» aq kúmis alqaptarynda jaıqalǵan egindi belýardan keship turyp fırma dırektory Asylbek Esmaǵambetovke bolashaq baǵamyndaǵy keńester bergeni de esimizde.
Elbasy erteńge qaratyp aıtqanda, shıkizattyq óndiristiń kúni ótkendigin, tabys joly – ónimdi qaıta óńdeýde ekendigin, ol úshin sóz qorymyzǵa áli qosyla qoımaǵan klasterlik júıeni qolǵa alýymyz qajettigin alǵa tartty. О́ńirge aty belgili azamat, «Qurmet» ordeniniń ıegeri, oblystyq máslıhattyń depýtaty Asylbek Saılaýbekuly óz qadamdarynyń Memleket basshysynyń oı-nıetterimen sabaqtas ekendigin uqty. Bul qosymsha jaýapkershiliktegi úlken syn edi. Onyń ústine Býrabaı arnaıy ekonomıkalyq aımaǵynyń qurylýy, álemdik deńgeıdegi tuńǵysh «Astana-Býrabaı» avtobanynyń salynýy, Astananyń azyq-túlik beldeýin qamtamasyz etý jónindegi prezıdenttik tapsyrma qulashty keńge sermeýge múmkindik ashyp otyr. Saýatty daıyndalǵan bıznes jobalar saraptamadan súrinbeı ótip, memlekettiń qarjylaı qoldaý kózderi keńeıdi.
Fırma árbir tıynnyń tıimdi jumsalýyn qatań qadaǵalaıdy. Qaıtarymsyz qadam degen joq, álem tanyǵan «AlPro» elektrondy júıesi bárin kórip turady. Sońǵy jyldary satyp alynǵan 112 aýylsharýashylyq tehnıkalarynyń basym bóligi sheteldik sońǵy úlgidegi mashınalar. Astyq, burshaq jáne maıly daqyldar fırma ornalasqan Kenesary aýylyndaǵy elevatorda saqtalyp, óńdelse, Shýche qalasyndaǵy «Aına» sút zaýytynda sút ónimderiniń otyz túri daıyndalady.
«Esil-Agro» 2008 jylǵa deıin sútti ózine qarasty alty sharýashylyqtaǵy qabyldaý pýnktterinen jınaıtyn. Ol táýligine 20 tonna shıkizat óńdeıtin zaýyttyń suranysyn qamtamasyz ete almady. Kún tártibine 1200 bas saýyn sıyrǵa arnalǵan zamanalyq taýarly-sút keshenin salý máselesi shyǵaryldy. Zor daıyndyqpen bastalǵan joba araǵa jyl salyp esigin ashty. Vengrııadan «golshtın-frız» asyl tuqymdy 600 bas sıyr jetkizildi. Qazir tabyn óz tóli esebinen tolyǵyp keledi. Aldaǵy kezde taǵy da 600 bas sıyr aldyrylmaq. Bólektep aıtarymyz, árqaısysy jylyna 10 myń lıtr sút beretin osynshama sıyrdy tórt-aq operator saýatyndyǵy. Muny aıtyp otyrǵandyǵymyz, keshende jer júziniń 112 elindegi sút óndirýshiler bedeline ıe bolǵan Shvesııanyń «DeLaval» kompanııasynyń synnan ótken jabdyqtary ornalastyrylǵanynan derek berý. Ferma ujymy jobalyq qýatyna enetin jýyq aılarda táýligine 25-26 tonna sút alynatyn bolady. Qazirdiń ózinde «Esil-Agronyń» sút brendi oblys aýmaǵymen qosa, Astananyń 26 dúkeninde tutynýshylar talǵamynan shyǵýda.
Bıyl dıqandarymyz gektar túsimdiligin eselep arttyrdy. Elevatorymyz qyzý eńbek qushaǵynda. Dıirmenimizdiń qýattylyǵy táýligine 120 tonnaǵa jetedi. Osynyń barlyǵy Táýelsizdik sharapatynyń, memlekettiń aýyl óndirisin qoldaýynyń nátıjesinde múmkin bolyp otyr. «Esil-Agro» erteńine senimdi, deıdi fırma basshysy Asylbek Esmaǵambetov.
Aqmola oblysy, Býrabaı aýdany.
________________________
Arnaıy betti daıyndaǵan «Egemen Qazaqstan» gazetiniń Aqmola oblysy boıynsha menshikti tilshisi Baqbergen AMALBEK.
