JOO baqylaý keńesteri konkýrsqa ótinim bergen 41 úmitkerdiń ishinen Respýblıkalyq konkýrs komıssııasyna 10 úmitkerdi usyndy. Qazaqstan Respýblıkasynyń Bilim jáne ǵylym mınıstri Erlan Saǵadıevtiń tóraǵalyq etetin, quramynda belgili memlekettik jáne qoǵamdyq qaıratkerleri bar komıssııa rektorlardyń bos oryndaryna úmitkerlermen betpe-bet tildesý júrgizdi.
Tildesý jáne JOO damý baǵdarlamaryn taldaý qorytyndylary boıynsha komıssııa M.Áýezov atyndaǵy Ońtústik Qazaqstan memlekettik ýnıversıteti rektorynyń laýazymyna Qojamjarova Darııa Perneshqyzyn, M.О́temisuly atyndaǵy Batys Qazaqstan memlekettik ýnıversıteti rektorynyń laýazymyna Serǵalıev Nurlan Habıbýllaulyn, Sh.Ýálıhanov atyndaǵy Kókshetaý memlekettik ýnıversıteti rektorynyń laýazymyna Syrlybaev Marat Qadyrulyn, Y.Altynsarın atyndaǵy Arqalyq memlekettik pedagogıkalyq ınstıtýty rektorynyń laýazymyna Qaýnyshbaev Seıitbek Bekenulyn anyqtady.
2016 jyldan bastap JOO baqylaý keńesteriniń konkýrstyq saralaý negizinde Respýblıkalyq komıssııa 15 memlekettik joǵary oqý oryndarynyń rektorlaryn tańdady.
