Taraptar konsýldyq saladaǵy ekijaqty yntymaqtastyqtyń, eki eldiń azamattarynyń quqyqtary men múddelerin qorǵaýdyń, sondaı-aq Qazaqstan men Qytaı turǵyndarynyń ózara saparlarynyń ózekti máseleleri boıynsha tolyqqandy kelissózder júrgizdi.
Qazaqstandyq tarap Qytaıdan Qazaqstanǵa qonys aýdarǵan jáne Qazaqstan Respýblıkasynyń azamattyǵyn alǵan etnıkalyq qazaqtardyń jaǵdaıyna qatysty máseleni qozǵady. Qytaıda qos azamattyq úshin ustalǵan etnıkalyq qazaqtardyń isterin obektıvti jáne ádil qaraý men olardy bosatý týraly tabandy tilek aıtyldy. Qytaıdyń Shyńjań-Uıǵyr avtonomııalyq aımaǵyndaǵy etnıkalyq qazaqtardyń máselelerin sheshýdiń ortaq amalyn oılastyrýǵa ýaǵdalasty.
Sonymen qatar, konsýltasııalar barysynda elder arasyndaǵy vızalyq rejımdi jeńildetý máseleleri talqylandy. Taraptar eki eldiń halyqaralyq áýejaılarynda Qazaqstan jáne Qytaı azamattarynyń kelý/ketý jáne tranzıtpen ótý tártibi týraly aqparat almasty.
Vızalyq saıasat salasynda týyndaıtyn máselelerdiń tehnıkalyq sıpatyn eskere otyryp, taraptar eki el azamattarynyń ózara saparlary úshin qolaıly jaǵdaı jasaýǵa daıyn ekendigin bildirdi, sondaı-aq turaqty konsýltasııalardy odan ári jalǵastyrýǵa kelisti.
