Úsh jylda 164 bilim nysandary iske qosyldy

Respýblıka boıynsha orta mek­tepterdiń eń aýyr kúıin tartqan ob­lys­tardyń biri – Ońtústik Qazaqstan. Eki aýysymdy bylaı qoıǵanda Maq­ta­aral, Saıram sekildi, bir ózinde 40 myńǵa tarta halyq jaılaǵan aýyldary bar iri aýdandarda úsh, tórt aýysymdy mektepter boldy. Endi bolǵan dep ótken shaqpen aıtsaq qatelespeımiz. Jazǵyturym oblys ákimi Asqar Myrzahmetov Tóle bı aýdanynda ót­ken “Yrys aldy yntymaq” forý­myn­da: “Bıyl bıýdjet esebinen 54 mek­teptiń, 18 balabaqshanyń, sondaı-aq 8 mektepke qosymsha qurylys jumys­tary júrgizilýde. Bir jaǵynan, bul, táýelsizdigimizdiń úlken jetistiginiń biri ekendigin kórsetedi. Qazyǵurttaǵy jıynda «Jastar or­ta­lyǵyn» ashý kerektigi aıtylsa, bú­gin­de talapqa saı oblystyq Jastar ortalyǵy, oǵan qosymsha aýdandarda da osyndaı ortalyqtar ashyldy. Bu­dan bólek basqa da keshender, sporttyq klýbtar ashylýda” degen bolatyn. Memleketimizdiń bilim salasyna salyp jatqan qarjysy óte qomaqty. Má­se­len, Ońtústiktegi bilim berý sala­syn qar­jylandyrý bıyl 119,3 mlrd. teń­gege jetti. Bul ótken jylmen salys­tyr­ǵanda, 20,9 paıyzǵa artqan. “100 mektep” baǵdarlamasy boıyn­sha 39 mektep josparlansa, ony toly­ǵy­men aıaqtadyq. Sońǵysy Shaıan eldi mekenindegi mektep-ınternat aǵymdaǵy jyldyń 1 qyrkúıeginde berildi. Bir jaǵynan bul saqaldy qurylys bo­latyn. Jalpy, bilim salasyndaǵy bar­lyq  saqaldy qurylystardy japtyq, – deıdi oblystyq bilim basqarmasynyń bastyǵy Albına Balǵabaıqyzy. Anyqtalǵan 29 úsh aýysymda bilim beretin, apatty jaǵdaıdaǵy 62  mek­tep­tiń de máselesi tolyq sheshilgen bolsa, 249 bilim berý nysandarynda kúrdeli jóndeý jumystaryn júrgizýge 5,1 mlrd. teńge qaralyp, 2,8 esege ar­ty­p­ty. Al mektepke deıingi uıym­dar­dyń sany 81 birlikke, 8906 balaǵa artyp, 50398 balany qamtıtyn 501 mek­tepke deıingi uıymdar jumys is­teý­de. Jyl­dyń sońyna deıin balalar­dyń qam­tylýy 50 paıyzǵa jetkiziletin bolady. Ońtústikte osyndaı ońdy ózge­ris­ter bolyp jatyr. Baqtııar TAIJAN. Shymkent