Balabaqsha – tárbıe besigi

Oǵan oblystaǵy búldirshinderdiń 92 paıyzy qamtylǵan­ Qazir Qostanaı oblysynda bar­lyq búldirshinderdiń 92 paıy­zy mek­tepke deıingi mekemelerge tar­tyl­ǵan. Jaqynda «Nur Otan» HDP oblystyq fılıaly saıası keńesiniń keńeıtilgen májilisinde partııa tór­aǵasynyń birinshi oryn­basary Nur­lan Nyǵmatýllın mun­daı kórset­kishtiń tek respýblıkada ǵana emes, TMD elderi bo­ıyn­sha eń úzdik jetistik ekenin atap kórsetti. Oblysta búldirshinderdi mektepke deıingi mekemege  qamtý úshin birneshe baǵytta jumystar júrgizildi. Mektepter janyndaǵy shaǵyn orta­lyqtar ashyldy. Ási­re­se, ol aýyldy jerlerde óte qo­laıly ekendigin kórsetti.  Sońǵy jeti jylda oblys­ta osyndaı sha­ǵyn ortalyqtarmen 15 263 búl­dir­shin qamtyldy.  Ekinshi baǵytta buryn jekeler men meke­melerdiń qolyna ótip ketken balabaqsha­lar­dyń tıptik ǵımarattaryn qaı­taryp alý maqsatynda túsinik ju­mysy júrgizildi. Mysaly, Rýd­nyı qalasyndaǵy kásipker Sergeı Orlov 200 oryndyq balabaqsha ǵı­ma­ratyn tegin qaıtyp berdi. Jeti jylda oblys qalalaryndaǵy 38 osyndaı  ǵı­marat kásipkerlerden qaı­tarylyp alyndy. Balabaq­sha­lardyń jańa qu­rylysy úshinshi baǵytta júrgen ju­mystyń nátı­jesi edi. Oblys qala­larynda jańa balabaqshalar boı kóterdi. Olar­dyń jabdyqtalýy da zamanaýı talapqa saı.  Qos­ta­naı qalasyndaǵy jańa­dan berilgen «Naýryz» sha­ǵyn aý­danynda 140 oryn­dyq balabaqsha búl­dir­shin­der­diń ıgiligine aı­naldy. So­nymen qatar ja­ńadan sa­lynǵan  úı­lerdiń  tómen­gi qabatyn­da 40-50 búl­dir­shinge ar­nalǵan  sh­a­ǵyn ba­labaqsha­lar jasaý dástúr­ge enip keledi. Sońǵy jyldary Qos­tanaı­da jeke menshik balabaq­shalar qa­tary kóbeıdi. Bul kúnde olardyń qatary 16-ǵa jetti. Onyń jeteýi  aýyldyq jerlerde boı kó­ter­di.  El­basy Nursultan Nazar­baev­­­tyń  ba­s­tamasymen ómir­ge jol­dama alǵan «Balapan» memlekettik baǵ­dar­la­ma­sy boıynsha  oblysta 20 balabaq­sha, 3 shaǵyn ortalyq ashyldy. Qazir oblysta  mek­tepke deıingi 628 mekeme jumys istep tur. Názıra JÁRIMBETOVA. QOSTANAI.