10 Jeltoqsan, 2011

«Dıplommen – aýylǵa!» jobasy Oral óńirinde oıdaǵydaı iske asyp keledi

229 ret kórsetildi
Keńestik kezeńde joǵary bilimdi mamandardy aýylǵa olardyń erkinen tys, kúshtep jiberý tájirıbesi or­nyq­qany jasyryn emes. Eshqandaı áleýmettik-turmystyq jaǵ­daı tý­ǵy­­zylmaǵan, tıisti qarjylaı kómek kórsetilmegen ýa­qyt ara­lyǵynda ınstıtýt bitirgen jastar beınebir jazasyn ótep júrgen jandaı kúı keshti desek, shyndyqtan alshaq ketpeımiz. Egemen el bul máselege ómirsheń de órkenıetti kózqaras turǵysynan kele bilgeni úlken mereı.  Sonyń biri – bas­taýy osydan tórt jyl buryn qalanǵan «Dıplommen – aýyl­ǵa» jobasy. Naqtyraq aıtqanda, bul másele 2007 jyly Elbasy qatysqan aýyl sharýashylyǵy qyzmet­ker­leri­niń respýblı­ka­lyq forýmynda kóterilgeni belgili. Osy arada atalǵan jo­banyń alǵashqy dem berýshisi de, onyń alǵa bastyrýshysy da Memleket basshysy Nursultan Nazarbaev ekenin aıtýdyń ózi bir mártebe. Atalǵan keńeste Elbasy kótergen osy máse­le­ge oraı 2008 jyly aýylǵa baratyn mamandardy materıal­dyq turǵydan yntalandyrý jóninde arnaıy zań kúshine kirdi. Budan keıingi kezeńde osy zańdy iske asyrý úshin Úkimettiń tıisti qaýlysy qabyldandy. Mine, búginde respýblıkanyń ár qıyrynda keńinen jú­ze­ge asa bastaǵan «Dıplommen – aýylǵa» jobasynyń tuńǵysh bastaýy osyndaı. Egemen elimizdiń erteńi úshin erekshe ma­ńy­zy bar bul is Aqjaıyq óńirinde de oıdaǵydaı iske asyp keledi. Naqtyraq aıtqanda, atalǵan joba sheńberinde 2009 jyly oblysta 509 maman aýyldyq eldi mekenderge baryp qyzmetke ornalasty. Tıisinshe bul kórsetkish 2010 jyly 529-dy qurady. Bıylǵy jyly joǵary bilimdi jas mamandardyń óz erikterimen shalǵaı aýyldarǵa barý úrdisi odan ári jalǵasty. Aldaǵy jáne ótken jylmen salystyra qaraǵanda, bıyl bul lektiń sál tómen bolýyn Batys Qazaqstan oblystyq ekonomıka jáne bıýdjettik josparlaý basqarmasy memlekettik organdar qyzmetiniń tıimdiligin baǵalaý jáne monıtorıng bóliminiń bastyǵy Raısa Erkeǵalıeva buǵan deıin oryn alǵan bıýdjettik qarajattyń tapshylyǵymen baıla­nys­­tyr­ǵan. Alaıda qarasha aıynyń basynan bastap bul tap­shy­lyq­tyń orny artyǵymen tolyqtyrylǵan eken. Sondyqtan da bıylǵy jyl qorytyndysynda aýylǵa bara­tyn dıplomdy mamandardyń sany aldyńǵy jyldarmen salystyra qaraǵan­da artyq bolmasa kem bolmaıdy dep málimdedi. Taǵy da keńestik kezeńmen salystyra qaraǵanda, egemen el jaǵdaıynda jas mamandarǵa týǵyzylǵan jaǵdaı jer men kókteı ekenine aıqyn kóz jetkize túsemiz. Aıtalyq, ol kezde aýylda turatyn muǵalimder men dárigerlerdiń jalaqysy óte az, eń tómengi kúnkóris deńgeıine jetetindeı ǵana edi. Mysal úshin aıtsaq, sońǵy jyldary respýblıkada  bul mamandyqta isteıtin aýyl turǵyndarynyń jalaqysy 100 paıyzǵa deıin óskeni belgili. Sondaı-aq dárigerler men muǵalimderdiń mártebesin ósirý baǵytynda da aıtarlyqtaı jumystar atqaryldy. Aıta berse, Batys óńirinde mundaı mysaldar jetkilikti. Osylaısha munda egemendikpen enshiles «Dıplommen – aýylǵa» jobasy tórt aıaǵynan teń basyp keledi. Temir QUSAIYN. Batys Qazaqstan oblysy.
Sońǵy jańalyqtar

Kabýlda jarylys boldy

Oqıǵa • Búgin, 17:08

Otandyq fılmderdiń úlesi artady

Qazaqstan • Búgin, 16:20

Almatyda baqylaý kúsheıtildi

Koronavırýs • Búgin, 14:08

Aqsha emes, abyroı qymbat

Boks • Búgin, 13:04

Kúrshim ózeni de lastana bastady

Ekologııa • Búgin, 12:38

Tiliksiz ota jasaldy

Medısına • Búgin, 12:20

Uqsas jańalyqtar