Jerdegi jedel járdem, aspandaǵy sanavıasııa

Adamdar jedel medısınalyq járdemniń qyzmetine zárý emes. Onyń jer ústindegi qat-qabat ári qaýyrt qyzmetin paıdalanbaıtyn naýqas kemde-kem. Al, Táýelsizdigimizdiń kemeldengen tusynda qurylǵan respýblıkalyq sanıtarlyq avıasııanyń úılestirý orta­ly­ǵynyń (RSAÚO) negizgi jumysy áýe arqyly atqarylýymen erekshelenedi. Kúrdeli aýyr jaraqattarǵa, kúıikke, júktilik pen bosaný kezindegi asqynýlarǵa, sábılerdiń týa bitti kemistikterine óńirlerde kómek kórsetý múmkin bolmaıtyn jaǵdaılar jıi kezdesedi. Osyn­daı­da uıymdastyrylatyn respýblıkalyq, bolmasa oblystyq deńgeıde bilikti, joǵary maman­dan­dyrylǵan jáne konsýltatıvti-dıagnos­tı­ka­lyq medısınalyq kómek kórsetý sanı­tar­lyq avıasııasy talaı náresteler men analar­dyń ómirine ara tústi. RSAÚO-nyń alǵash sa­pa­ry Aqmola oblysynyń Astrahan eldi mekeninen bastaldy. Ýaqytynan buryn tolǵaq qy­syp, bosanǵan anaǵa jergilikti jerde joǵary sa­paly kómek kórsetý múmkindigi bolma­ǵan­dyq­tan, sanavıasııa qyzmetkerleri ony Ana men bala ulttyq ǵylymı ortalyǵyna jetkizip, aman alyp qaldy. Oblys, aýdandardaǵy medı­sı­nalyq mekemelerden qashyqta ornalasqan eld­i mekenderde bosanǵan áıelderdi, jańa tý­ǵan nárestelerdi, jaraqattanǵan jandardy ádet­tegi kólik túrlerimen jetkizý qıyn. Osyn­daı jaǵdaıda bilikti mamandar ákelýde, shuǵyl kómekke zárý adamdardy tıisti oryndarǵa jetkizýde, sondaı-aq jol-kólik apaty kezderinde kezek kúttirmeıtin jedel járdem kómegin kórsetýde ushaqtar men tikushaqtar birden-bir qolaıly kólik bolyp tabylary sózsiz. Tájirıbeli mamandar men bilikti dárigerlerdiń oblystarǵa baryp, operasııa jasaıtyn sátteri az emes. Mysaly, 25 qazanda Ana men bala ulttyq ǵylymı ortalyǵynyń mamandary О́s­ke­men qalasyna baryp, týǵanyna 14 kún bol­ǵan nárestege der kezinde kómek kórsetti. Olar­dyń tez jetýi ajal tyrnaǵynan qutqaryp qalýǵa birden-bir sebepker boldy. Osylaısha ortalyqtyń úılesimdi is-sharalary men áre­ketteri arqasynda júzdegen naýqastar otba­sy­laryna oralyp, týǵan-týystarymen qaýyshty. Elimizdiń on bir oblysynda 12 tikushaq pen ushaq medısınalyq qyzmet kórsetýmen aınalysady. Sanıtarlyq avıasııanyń úı­les­tirý ortalyǵymen kelisim-shart boıynsha jumys isteı otyryp ushý kestesinde tynym bolmaıdy. Ásirese, Shyǵys Qazaqstan, Qy­zylorda, Atyraý oblystarynyń shalǵaı aı­maq­tarynan shaqyrý jıi túsedi. Kóbine júk­tilik jáne bosaný kezindegi asqynýlardy bol­dyrmaý úshin naýqastardy oblys orta­lyq­taryna jedel túrde aparýǵa týra keledi. Ár otbasynyń kópten kútetin qýanyshy men baqyty bala bolǵandyqtan, týa bitti kemistikterdi emdeýdi, ota jasaý arqyly bolashaq el azamatyn qatarǵa qosýdy medısına qyz­metkerleri basty paryz sanaıdy. О́rt, jarylys, óndiristik apat sekildi aıtyp kelmeıtin jaǵdaılarda qaıǵyǵa dýshar bolǵan adam­dardy birden tikushaqpen tasymaldaý qıyn­ǵa soǵatynyn gazet oqyr­mandary bile bermeýi múmkin. Mundaı kezderde sanıtarlyq avıasııa qyzmeti maman­dar­dy naýqasqa ózderi apa­ra­dy. Jaǵdaılary turaqtanǵanǵa deıin jedel kómek jergilikti jerlerde kórsetilýi yqtımal. Jasyratyny joq, jylyna myńdaǵan jol-kólik apattary oryn alyp, onyń aqyry adam ólimi sııaqty qaıǵyly oqıǵalarǵa soǵyp jatady. Buǵan júrgizýshiler de, júrginshiler de kináli. Osyndaı sátte alǵashqy medısı­na­lyq járdemniń kómegi óte zor. Astana qala­sy­nan 90 shaqyrym jerde Pavlodar tasjoly boıynda eki avtokóliktiń soqtyǵysý saldary­nan úsh adam opat boldy. Túrli dene jara­qa­tyn alǵan úsh adam sanavıasııanyń ábjil qı­mylynyń arqasynda respýblıkalyq klını­ka­ǵa der kezinde jetkizildi. Búgingi tańda elimizde adamdardyń ómir sapasyn jaqsartýǵa, ana men balany qorǵaýǵa memleket tarapynan úlken qamqor­lyq jasa­lyp keledi. Elbasymyzdyń arnaıy tapsyr­ma­symen qabyldanǵan densaýlyq saq­taý sala­sy­na qatysty memlekettik baǵ­dar­lamalar aıa­syn­da elimizde densaýlyq saqtaý isin reformalaý, turǵyndarǵa alǵashqy me­dısınalyq kómek kórsetýdi jaqsartý jónin­degi sharalar dáıek­ti­lik­pen atqarylýda. Bul oraıda Elbasynyń tikeleı tapsyrmasymen qurylǵan respýb­lı­kalyq sanıtarlyq avıa­sııanyń úılestirý orta­lyǵy halyqtyń den­saýlyǵyn saqtaýǵa óz úlesin qosa beretin bolady. Nazgúl RYMBAEVA, respýblıkalyq sanıtarlyq avıasııanyń úılestirý ortalyǵynyń bas mamany.