«Qaraǵaıly» skverinde 1931-1933 jyldarǵy asharshylyq qurbandaryna arnap ornatylǵan eskertkishtegi qolyna baýyryna balasyn qushqan ananyń beınesi náýbet jyldardy eske túsirip, qazaq halqynyń aýyr taǵdyrynyń habarshysyndaı kóńilderdi jabyrqatady.
Qala ákimi Baýyrjan Baıbek el basyna kún týǵan sol qaraly kún tarıhynyń qazaq halqynyń jadynan óshpeıtindigine toqtalyp, «Bul – Elbasy atap ótkendeı, «asharshylyqta qurban bolǵan mıllıondardyń rýhyna búgingi býynnan taǵzym jáne keler urpaq ata-babalarynyń qandaı qasiretterdi bastan ótkergenin bilip júrýine qajetti taǵylym», dep atap ótti.
- Sol bir qasiretti jyldarda halqymyz eńsesin tik kóterip qana qoımaı, qazaq topyraǵyna jer aýdarylǵan ózge ult ókilderin baýyryna tartyp, qamqorlyǵyna aldy. Búginde basty baılyǵymyz – Táýelsizdigimizdiń arqasynda bir shańyraqtyń astyna júzden astam ulttar men ulys ókilderin syıdyrǵan qazaq halqy beıbitshilik pen birliktiń mekenine aınalyp otyr.
Elvıra SERIKQYZY,
«Egemen Qazaqstan»
ALMATY
