Búginde bıznestiń áleýmettik jaýapkershiligi elimizdiń turaqty damýynda jedel strategııalyq mańyzǵa ıe bolyp otyr. Elbasy jarlyǵymen dúnıege kelgen «Paryz» baıqaýy bıznestiń jobalary men baǵdarlamalaryn júzege asyryp, áleýmettik tájirıbelerdiń túrli formalaryn tanytatyn tehnologııaǵa aınalyp úlgerdi.
Elordanyń «Saryarqa-Velotrek» sport kesheninde «Paryz-2011» konkýrsynyń baıqaýynda birqatar jeńimpazdardyń esimi atalyp, bılik tarapynan baǵasyn aldy. Atalmysh baıqaýǵa qatysý úshin elimizdegi shaǵyn jáne orta, iri kásipkerlikpen aınalysatyn 610 kásiporyn nıet tanytqan eken. Indýstrııalandyrý kúni sheńberinde bıznestiń damýyn yntalandyrý úshin ótken osy baıqaýda «QazMunaıGaz» Barlaý О́ndirý» AQ «Jyldyń eń úzdik áleýmettik jobasy» qatarynda ataldy.
Árıne, bul áleýmettik jobalardy júzege asyrýda eleýli isterdi atqarǵan kompanııa jumysyna berilgen baǵa. О́z kezeginde «QazMunaıGaz» Barlaý О́ndirý» AQ sol senimge laıyq kóshbasshylardyń qatarynan kórine bildi.
Áýelgi mindet – áleýmettik jaýapkershilik baǵytyn ustanǵan kompanııa qoǵamdaǵy túrli salalarǵa qoldaý kórsetip keledi. Elimizdiń munaı jáne gaz óndirý salasynda úshtikke kirip otyrǵan alpaýyt qazirgi tańda bıznestiń áleýmettik jaýapkershiligi týraly jaǵymdy kózqaras qalyptastyryp otyr. Olaı deýimizdiń sebebi bar. Máselen, «QazMunaıGaz» Barlaý О́ndirý» AQ bes jyldan beri Qazaqstan jáne London qor bırjalarynda aksııalaryn saýdalap keledi. Negizgi aktıvterge ınvestısııalar salý baǵdarlamasyn júzege asyrýda halyqaralyq rynokta óziniń ustanymdaryn barynsha nyǵaıtty. Kompanııanyń aktıvteri Mańǵystaý men Atyraý oblysynda bolǵandyqtan, jergilikti halyqtyń áleýmettik jaǵdaıyn jaqsartý birinshi kezektegi bastama boldy. Jyl basynan beri kóptegen áleýmettik mańyzy bar jobalardy qarjylandyryp, aımaqtaǵy halyqtyń turmys deńgeıin kóterýde birshama sharýalar atqardy. Atap aıtsaq, Mańǵystaý oblysynda kelisim-sharttyq mindetteme sheńberinde Jańaózen qalasy jáne Qaraqııa aýdanynyń áleýmettik ınfraqurylymyn damytý baǵdarlamasy, turǵyn úı-kommýnaldyq sharýashylyǵyn jáne aımaqtyń áleýmettik jobalaryn qosymsha qarjylandyrý, jumys oryndaryn ashý, 200 páterli kommýnaldyq turǵyn úı qurylysyn aıaqtaý, «Tóńirekshiń» eldi mekenindegi qosalqy sharýashylyqty 500 gektarǵa deıin keńeıtý, alpystan astam balalar aýlasyn jabdyqtaý, qaladaǵy on mekteptiń aýmaǵyna qazirgi zamanǵa saı jasandy jabýy bar alań ornatý jumystary kórsetilgen merzimde tapsyryldy.
«Kendirli» demalys keshenindegi medısınalyq-saýyqtyrý ortalyǵy, Kaspıı teńizi jaǵalaýynda jalpy quny 570 mln. teńgeni quraıtyn 250 oryndyq balalardy emdeý ortalyǵy da halyqtyń ıgiligine jarady.
Atyraý oblysy Maqat aýdany Dossor poselkesinde ashylǵan 80 balaǵa laıyqtalǵan «Botaqan» balabaqshasy, kúrdeli jóndeýden ótken oblystaǵy «Munaıshy» mádenıet saraıy, Mııaly poselkesinde paıdalanýǵa berilgen dene shynyqtyrý-saýyqtyrý kesheni jáne taǵy basqa birqatar mańyzdy nysandar kompanııanyń úzdik dep tanylǵan áleýmettik jobalary edi.
Búginde «Paryz-2011» baıqaýynda júldege ilikken kompanııa aldaǵy ýaqytta da halyq úshin áleýmettik mańyzy zor jobalardy qarjylandyryp, qalyń buqaranyń kádesine jaraıtyn ózge de bastamalarǵa udaıy qoldaý kórsetpek.
