Qyzylorda oblysynda qolǵa alynǵan jańa joba «Áleýmettik balabaqsha» osy qıyn túıinderdi múmkindiginshe sheshýge septesedi. Búginde oblystaǵy «Qamqorlyq» daǵdarys ortalyǵynda jaı-kúıi joq 26 áıel turady. Turmys taýqymetin bir kisideı tartqan osy analardyń mamandyǵy joqtary qaıta daıarlaý kýrstarynan ótip, turaqty jumyspen qamtylýyna múmkindikteri bar. Olar jumys istep, qajetin aıyrý úshin «Áleýmettik balabaqsha» balalaryn tegin qabyldap, baǵyp-qaǵady.
«Qamqorlyq» daǵdarys ortalyǵynyń dırektory Jandos Turmaǵambetov ǵımaratty kásipkerler salyp bergendigin aıtady. Olar balabaqshany qajetti zattarmen jáne oıynshyqtarmen qamtamasyz etken. Taǵy bir jaqsylyǵy, balalar tegin tasymaldanady. Anasy jumysqa ornalasyp, úı-jaǵdaıy sheshilgen jaǵdaıda balasyn ózine ala alady.
Ázirge respýblıkada balamasy joq jańa balabaqsha áleýmettik teńsizdikti osylaısha sheship otyr. Aıdyń-kúnniń amanynda zar eńirep dalada qańǵyp qalǵan sherli analardyń qamqor jandar men memlekettik kómektiń arqasynda kózindegi jasy qurǵady. Qyzyqty balalyq shaǵyn óksikpen ótkizip kele jatqan balaqaılar da aıaly alaqanǵa túsip, qýanyp júr.
Baqtııar TAIJAN,
«Egemen Qazaqstan»
Qyzylorda oblysy
