Ankara qalasyndaǵy Nedjıp Fazyl atyndaǵy drama teatrynda qazaq ədebıetiniń klassıgi Berdibek Soqpaqbaevtyń «Meniń atym – Qoja» kitaby tanystyrylyp, povest jelisimen túsirilgen Abdolla Qarsaqbaevtyń fılmi kórsetildi. Túrkııadaǵy mádenı kúnder «Súıinbaı Aronuly» atyndaǵy saıabaqta Súıinbaı Aronuly men Jambyl Jabaevty eske alý jıynymen jalǵasyp, Jambyl atyndaǵy kóshede eskertkish-taqta ashyldy. Babalar rýhyna taǵzym jasalyp, quran baǵyshtaldy. Jıyn barysynda Qazaqstannyń Túrkııadaǵy Elshisi A.Saparbekuly eki el baýyrlastyǵyna shynaıy rızashylyǵyn bildirdi. «Túrki jerinde abyzdarymyzdyń ardaqtalyp jatqany túrki jurtymen baýyrlastyǵymyzdyń aıǵaǵy. Budan bylaıǵy mádenı saladaǵy yntymaqtastyǵymyz týystyǵymyzdyń tereńdeýine yqpal etetini sózsiz» deı kele, Kechıoren mýnısıpalıtetiniń meri Mustafa Ak myrzaǵa shynaıy alǵysyn bildirdi.
Jambyl aýdanynyń máslıhat hatshysy S.Juryn Jambyl aýdanyndaǵy bir kóshege Kechıóren ataýynyń berilgenine toqtalyp, máslıhattyń sheshimin tabys etti. Al Halyqaralyq «Jambyl» qorynyń prezıdenti M. Izbasar Túrki álemi jazýshylary jáne ónerpazdar qorynyń prezıdenti Iаhııa Akengınge halyqaralyq Jambyl syılyǵyn tapsyrdy.
«Qazaqstan kúnderi» Ankaradaǵy Yhlamýr saraıynda Astana qalasynyń 20 jyldyǵyna arnalǵan dóńgelek ústelmen jalǵasty. Atalǵan jıynǵa Elshi A.Saparbekuly, Túrkııa Uly Ulttyq Májilisiniń (TUUM) depýtaty Halıýk Ipek, Qoja Ahmet Iаsaýı ýnıversıteti О́kiletti keńesiniń tóraǵasy Musa Iyldyz, Aqtóbe qalasynyń ákim orynbasary Q.Qasymov, EkoEýrazııa qaýymdastyǵynyń tóraǵasy Hıkmet Eren, jazýshy-aýdarmashy S.Soqpaqbaeva, ádebıettanýshy-ǵalym N.Bekeeva, t.b. qatysty.
TUUM depýtaty Halıýk Ipek Qazaqstan-Túrkııa qarym-qatynastarynda Astana qalasynyń alar orny erekshe ekendigin aıta kele, Qazaqstan astanasynyń tarıhy N.Nazarbaevtyń esimimen tyǵyz baılanysty ekendigin tilge tıek etti. Sondaı-aq, Sırııa máselesinde Astana prosesiniń ǵalamdyq saıasatqa tıgizgen yqpaly zor, dep atap kórsetti.
Jıyn sońynda Elshisi A.Saparbekuly Kechıóren mýnısıpalıtetiniń ákimshiligine zor alǵysyn bildirdi. Sonymen birge Aqtóbe qalasy men Ankara-Kechıóren mýnısıpalıteti arasyndaǵy yntymaqtastyq týraly hattamaǵa qol qoıyldy. Aqtóbe qalasy ákiminiń orynbasary Q.Qasymov oblys ákimi B.Saparbaevtyń sálemin jetkizip, Mustafa Ak myrzaǵa shapan japty.
«Qazaqstan kúnderi» «Kalaba Kent» alańynda ótken «Qazaqstan keshi» men «Antares» saýda ortalyǵyndaǵy «Astananyń 20 jyldyǵy» konsertine ulasty.
«Qazaqstan kúnderi» Malatııa, Afshın qalalarynda jalǵasyn tapty.
Elvıra SERIKQYZY,
«Egemen Qazaqstan»
