Jıynǵa qatysqan Ulttyq ekonomıka vıse-mınıstri Serik Jumanǵarın shara barysynda zańǵa engizilgen ózgerister men túzetýler, sondaı-aq quzyrettilik týraly aqparat berdi.
«24 mamyrda Memleket basshysy kásipkerlik qyzmettiń rettelýin jetildirý úshin tıisti zańǵa qol qoıdy. Zańmen 14 kodeks pen 109 zańǵa 1000-ǵa jýyq túzetý engiziledi. Bıznesti qaıta retteý jáne onyń shyǵyndaryn azaıtý, ákimshilik kedergilerdi joıý jáne kásipkerliktiń damýyn yntalandyrý boıynsha júrgizilip jatqan saıasatty eskere otyryp, zań tómendegi baǵyttar boıynsha ázirlengen. Olar – memlekettik baqylaý-qadaǵalaý qyzmetin reformalaý, aqparattyq quraldardy retteý, tabıǵı monopolııalar sýbektileri jáne kvazımemlekettik sektor kórsetetin mindetti qyzmetterdi reformalaý, bıznes shyǵyndaryn túbegeıli tómendetý, básekelestikke kedergi keltiretin normalardy anyqtaý jáne alyp tastaý, Qazaqstannyń «Doing Business» reıtınginde pozısııalaryn jaqsartý. Júıeli túrde júrgizilgen reformalar arqasynda búginde kásipkerlik sýbektilerge qatysty tekserýlerdiń jalpy sany 2010 jyldan 4,2 retke nemese 76,6 paıyzǵa qysqartyldy. Sonymen qatar 2013 jylǵy, ıaǵnı josparly tekserýler júrgizilgen kezeńdegi, 2014 jylǵy, josparly tekserýlerge moratorıı jarııalanǵan kezeńdegi, sondaı-aq 2015 jáne 2016 jyldarǵy kezeńdegi, ıaǵnı irikteme tekserýlerge aýystyrý júzege asyrylǵan kezeńdegi derekterdi salystyryp tekserý kezinde qolaısyz oqıǵalardyń sany túbegeıli ózgergen joq. Osyǵan baılanysty biz memlekettik baqylaý jáne qadaǵalaý júıesin túbegeıli ózgertýdi usyndyq. Osyndaı ózgertý jańa profılaktıkalyq baqylaý ınstıtýtyn engizýdi kózdeıdi. Ol ákimshilik isti bastamaı, quqyq buzýshylyqtardyń profılaktıkasyn júrgizedi. О́z kezeginde, ol prokýratýra organdarynda tirkeý, tekserý sýbektisine habarlaý negizinde júzege asyrylady. Mundaı baqylaý nátıjesinde buzýshylyqtardy joıý týraly nusqama beriledi. Bul rette, osyndaı profılaktıkalyq baqylaý men qadaǵalaý nátıjeleri boıynsha óreskel buzýshylyqtar anyqtalǵan jaǵdaıda, ony qaıta tekserý maqsatynda jospardan tys tekserý júrgizýge memlekettik organnyń quqyǵy saqtalady. Osylaısha biz qoǵamdyq sanany ózgertý boıynsha úlken qadam jasaımyz. Ol kásipkerlikpen áriptestik ózara qarym-qatynas jasaýǵa jáne qalyptasqan memlekettik baqylaý men qadaǵalaý júıesiniń tanymyn jáne tártibin túbegeıli ózgertýge múmkindik beredi. Sózsiz, atalǵan reforma qoǵamdyq sanany jańǵyrtý saıasatymen sáıkes keledi. Bul, kásipkerlerdiń negizgi qyzmetine kedergilerine baılanysty shyǵyndaryn jáne qysymdy, sondaı-aq sybaılas jemqorlyqty azaıtýǵa múmkindik beredi. Sonymen birge búginde bar bolǵan 144 salanyń 20-sy jáne 544 baqylaý fýnksııasynyń 108-i alynyp tastalady. Olardy alyp tastaýdyń negizgi sebebi qaıtalanýy jáne júzege asyrý kezinde tıimdiliktiń bolmaýy bolyp tabylady. Sondyqtan tutynýshylardyń qaýipsizdigi tıisti deńgeıde qamtamasyz etiledi», dedi S.Jumanǵarın.
Sonymen qatar ol bızneske túsetin úlken júktemeniń biri tekserý júrgizý merzimi bolyp tabylatynyn tilge tıek etti.
«О́ıtkeni baqylaýshy kásipkerdi tekserýmen uzaq ýaqyt ótkizedi. Sondyqtan zańmen erekshe tártip boıynsha tekserý júrgizý merzimderi 30-dan 15 jumys kúnine deıin, jospardan tys tekserýler 30-dan 10 jumys kúnine deıin qysqartyldy», dedi ol.
Raýan QAIDAR,
«Egemen Qazaqstan»
