EQYU-daǵy QAZAQSTAN TО́RAǴALYǴY – EL BEDELI MEN ELBASYNYŃ SARABDAL SAIаSATYNYŃ NÁTIJESI

Elbasy Joldaýyna qoldaýyn jetkizýdi maqsat etken hat ıeleri EQYU-daǵy Qazaqstan­nyń is ba­syn­daǵy tóraǵalyǵyn elimizdiń álem qaýymdastyǵy aldyndaǵy zor bedeliniń kóri­nisine, úlken márte­bege balaıtyndaryn bildire kele, ony Elbasynyń jeke basynyń abyroı-bedelimen baılanys­ty­rady. “Eýropalyq memleket basshy­la­ry­nyń senim bildirýi Sizdiń Qazaq­stan memleketin nyǵaı­tý­da­ǵy, ishki jáne syrtqy saıasatta beıbitsúıgish syndarly saıasatyńyzdyń nátıjesi dep bile­miz”, dep jazady Ońtústik Qazaqstan oblysy, Túlkibas aýdan­dyq ardagerler uıymynyń tór­aǵa­sy, aýdannyń qurmetti azamaty Qurmanbek Boz­daqbaev, aýdandyq áıelder uıymynyń tóraıymy Gúlbúbi Eshenqulova, “Nur Otan” HDP aýdandyq ókildigi, “Jas Otan” jastar qa­na­tynyń ókili Daýyl­baı Joldybaev. Osyndaı oıdy Ońtústik Qazaqstan oblysy, Saryaǵash aýdandyq ardagerler keńesiniń tóraǵasy S.Oma­rov jáne Maqtaaral aýdandyq ardagerler keńe­siniń tóraǵasy T.Dosaev qýat­tap, óz hattarynda El­basyǵa alǵys­ta­ryn aıtyp, aq tilekterin joldaǵan. “Eýropadaǵy qaýipsizdik jáne yntymaq­tas­tyq uıymyna tóraǵa­lyq kezinde ondaǵan jyldar bir-birimen óshtesip, jaýgershilikte bolyp kele jatqan elderde beı­bitshilik pen kelisim ornatýǵa dáne­ker bolýdy Sizge Alla taǵala ózi ná­sip etsin, qurmetti Nursultan Ábish­uly!” degen tilek aıtady óz hatynda Ońtústik Qazaqstan obly­synyń qurmetti azamaty, zeınetker Boranbek Shúkirbekov. Qazaqstannyń EQYU-daǵy tóraǵalyǵy men Elbasynyń Jol­daýy aǵa býynmen qatar jas­tar­dyń da jigerine jiger qosqanyn Oń­tústik Qa­zaqstan oblysy, Tóle bı aýdanynan hat jiber­gen “Sham­shyraq” shyǵarmashyl jastar uıy­mynyń tóraǵasy Álisher Ýsmanov pen Saryaǵash aýdanynan hat jol­daǵan azamatsha Zamıra Baıy­rova­nyń lebizderinen aıqyn ańǵarýǵa bolady. Jastar jarqyn isterdiń jú­rekterine jylý uıa­latyp, kóńil­derine serpilis bergenderin aǵynan aq­taryla jetkizip, Elbasyǵa alǵys­taryn arnaıdy. BATYR MEN ÁKIM KEZDESTI Otan úshin ot keshken sura­pyl soǵystaǵy Jeńistiń 65 jyl­dyǵy qar­sańynda aǵa urpaqtyń erlik is­te­ri taǵy da oıǵa ora­la­dy. Olar­dyń jalyndaǵan jas­tyǵy qıyn kezeńde ótse, búgingi táýelsiz mem­leketimizde alańsyz dem­alýyna barlyq jaǵdaı ja­salǵan. Qazirgi kezde oblystaǵy soǵys jáne eńbek ardager­leri­niń ómiri mine, osyndaı. Aǵym­daǵy jylǵy mereıli me­rekege baı­lanysty maıdan­ger­lerge em­deý-saýyqtyrý or­yn­­daryna, kom­mý­naldyq qyz­me­tterge, tis protez­de­rin salýǵa, taǵy basqa shara­lar­ǵa bıýdjet­ten qomaqty qarjy bólingen. Jetisý óńirindegi Keńes Oda­ǵynyń Batyry Ivan Vası­le­vıch Kosenkov 1941-1945 jyl­dardaǵy ot keshýden ót­ken­derdiń biri. Ol surapyl so­ǵysty 1942 jyly Novomos­kovsk irgesinen bastaı­dy. Ar­tıl­lerıst edi. 1943 jylǵy Dnepr boıyndaǵy shaıqas esinde máńgi qaldy. Ondaǵy 6 kún men tún boıy jaýmen bol­ǵan shaı­qas­ta Ivan Vasılevıch qarýlasy Mıhaıl Golıakov ekeýi 3 tankti isten shyǵaryp, snarıad tıelgen avtomashına men bro­ne­trans­por­ter­di jaryp, erliktiń tamasha úlgisin tanytty. Uly Otan soǵysynyń 1418 kún men túniniń 1300-i jaýyn­ger Ivan Kosenkovtyń taǵdyr tá­leıi­ne jazylǵan. Osy ýaqyt ishin­de ol myń ólip, myń tirildi dese de bolady. Sondaǵy erlik­teri II dárejeli Otan soǵysy, “Qyzyl juldyz” ordenderimen atalyp ótilip, 1944 jyly Keńes Odaǵynyń Batyry atanady. Sońǵy shaıqasta jerlesimiz aýyr jaralanyp edi. Soǵan baılanys­ty ol ózi týyp ósken Semeı qalasyna oraldy. Uly Jeńisten keıingi halyq sharýashylyǵyn qalpyna kelti­rý jyldarynda atpal azamat te­mir jol jaǵalaýyna aǵash kó­shet­terin otyrǵyzyp, kógaldan­dyrýdy qolǵa aldy. Sóıtip, munda da ol artyna óshpesteı iz qaldyryp, belsendiligimen ta­nyl­dy. Beıbit ómirdegi eńbegi­niń dálelindeı óńirinde “Qur­met­ti temirjolshy” belgisi jar­qyraı­dy. “Qaratal aýdanynyń qur­metti azamaty” ol áli kúnge deıin mektep oqý­shylary men jas­tar arasynda jıi bo­lyp, aǵa ur­paqtyń er­ligi men eń­bek­qorlyq qa­sıet­teri jaıly áń­gi­meleýden esh jalyq­qan emes. Jyl emes, aı sa­nap qatary sıre­gen soǵys ardager­le­rine degen qam­qor­lyqtyń aıasyn keńeıtken ob­lys ákimi Serik Úm­be­­tov taıaýda batyr jer­lesimizge baryp sálem berdi. Ivan Vası­le­vıch turatyn Qaratal aýda­ny­nyń Úshtóbe qalasynan úsh bólmeli páter berip, taǵy basqa da tur­mystyq jaǵdaıynyń jaq­sarýyna nazar aýdardy. – Elbasyna shyn kóńilden alǵys aıtamyn. Biz soǵysta qaı­rat kórsetsek, Nursultan Na­zarbaev halqymyzdy qıyn­dyq­tan alyp shyǵyp, ekonomı­ka­myzdy, áleýmettik jaǵdaıy­myzdy kóterýge kúsh salyp ke­le­di. Soǵys ardagerlerine ja­saǵan jaqsylyqtary qanshama, – dep aǵynan jaryldy maı­danger. Ardagermen áńgimesiniń so­ńynda oblys basshysy qart jaýyngerge zor densaýlyq tiledi. Ákim Uly Jeńis mere­kesine deıin mundaı kezde­sýlerdiń áli jalǵasatynyn da eske saldy. Kúmisjan BAIJAN, Almaty oblysy. BAÝKEŃ ESIMI Máskeý qalasyndaǵy №229 mektepke berildi Jýyrda ǵana Máskeýdegi Qazaqstan elshiligi úıinde qazaqtyń qaısar uly, Keńes Odaǵynyń Batyry Baýyr­jan Momyshuly týraly orys tilinde ja­ryq kórgen “Ańyzǵa aınalǵan ba­tyr” atty jınaqtyń tusaýke­ser rásimi ótkeni jaıynda qýana habarlaǵan edik. Endi,mine, osy qus qýanysh, qos qýa­nyshqa aınalyp otyr. Uly Jeńistiń 65 jyldyq merekesi qarsańynda Baý­keńe Máskeýdegi №229 jalpy bilim beretin orta mekteptiń aty berilip otyr. Bul qýanyshty habar elimizdiń Reseıdegi Tóten­she jáne ókiletti elshisi Zaýytbek Turysbekov pen Máskeý qa­la­sy meriniń birinshi orynbasary Lıýd­mıla Shvedsovanyń Jeńis­tiń 65 jyl­dyq merekesin toılaý jónindegi kez­desýlerinde aı­tyldy. Batyrdyń týǵa­nyna 100 jyl tolý qarsańynda oǵan Máskeý qalasyndaǵy atalǵan mek­teptiń berilýi de kezdeısoq emes. Krıý­kovo stansasynda ornalasqan bul mek­tep Zelenogradtyń ortaly­ǵyn­da tur. 1941 jylǵy qara­sha­daǵy Máskeý úshin aıqastyń sońǵy shebi osynda bolǵan. 8-shi gvardııalyq dıvızııanyń B.Mo­mysh­uly basqarǵan jaýyngerleri jaý­dy osy jerde Máskeýge ótkizbeı keri qaıtarǵan. Qazir mektepte ba­tyr-pan­fılovshylarǵa arnalǵan mýzeı bar. Onda B.Momyshulyna qa­tysty stend jasalǵan. Sondaı-aq, mundaǵy shaı­qas bolǵan tarıhı oryndarda Uly Otan soǵysynyń ardagerlerimen kez­de­sýler ótkizý de nazardan tys qaldy­ryl­maıdy, dep habarlady Qazaqstan­nyń RF-daǵy elshi­liginiń baspasóz qyzmeti. BIR KÚNDE – 1800 О́TINISh “Nur Otan” HDP Ortalyq apparatynda Qoǵamdyq qabyldaý bólmesiniń meńgerýshisi Jumajan Júkenov respýblıka boıynsha 10 aqpan kúni ótken “Azamattardy biryńǵaı qabyldaý kúni” aksııa­synyń qorytyndysyna baılanys­ty brıfıng ótkizdi. Aksııanyń maq­saty – memlekettik organdar­dyń nazaryn azamattardyń proble­malyq máselelerine aýdarýǵa jáne olardy sheshýge baǵyttaý. Jumajan Júkenovtiń habardar etýinshe, aımaqtyq deńgeıdegi aksııaǵa densaýlyq saqtaý, bilim berý, halyqty áleýmettik qorǵaý máseleleri jónindegi oblys ákim­deriniń orynbasarlary, qala ákim­deri, barlyq deńgeıdegi de­pýtattar jáne quqyq qorǵaý or­gandary basshylarynyń ókil­deri qatysty. Aksııa barysynda aı­maqtardan jedel kelgen 1 800 óti­nish qabyl­da­nyp, 250 ótinish oń sheshimin tapty. Sonymen qatar, 600 ótinish óz quzireti aıasynda qa­raý úshin mem­lekettik jáne quqyq qorǵaý or­gandaryna jiberildi, 950 ótinishke tıisti túsindirýler berildi. Al partııanyń Astana qala­syn­da­ǵy Ortalyq apparatyndaǵy qo­ǵamdyq qabyldaý bólmesindegi qa­byldaýda 87 adam boldy, 16 adam­nyń ótinishi oń sheshildi, 51 ótinish qaraý úshin qabyldanyp, olar partııanyń baqylaýyna alyndy. Sondaı-aq 20 adamǵa ótinishteri boı­ynsha tıisti túsin­dirýler be­ril­di. Oń sheshimin tapqan máselelerge kelsek, Qoǵamdyq qabyldaý ból­me­sine Zınaıda Tımofeeva ótinishpen kelip, saıajaıyn buzǵany úshin tıisti ótemaqysyn 5 jyldan beri ala almaı júrgenin aıtqan. Qa­byldaý nátıjesinde másele oń she­shimin tapty. Búginnen bastap oǵan tıisti ótemaqy tólenetin boldy. Sondaı-aq Uly Otan soǵysy­nyń ardageri Musaǵalı Qabyldın páter alý jóninde ótinishpen kel­gen. Nátıjesinde soǵys ardageriniń máselesi 15 aqpanda bolatyn qala­lyq komıssııada qaralatyn boldy, ol komıssııa otyrysyna shaqy­ryl­dy. Al О́zbekstannan kelgen oral­man M.Shilenbetov kvota jáne asyraýshysynan aıyrylǵany boı­yn­sha járdemaqy alýǵa kómek kór­setýdi suraǵan. Eńbek jáne halyq­ty áleýmettik qorǵaý mınıstr­liginiń ókilderi onyń máselesin oń sheship berdi. Álısultan QULANBAI. ÁLEÝMETTIK MÁSELELER OŃ ShEShILÝDE Keshe Qazaqstan kásipodaqtary aktıviniń selektorlyq májilisi ótti. Onda Kásipodaqtar federa­sııa­­synyń tóraǵasy Sııazbek Mu­qa­shev baıandama jasady. Onyń sózine qaraǵanda, 2009 jyly Federasııa jáne onyń múshelik uıymdary kásipodaqtardyń aldynda turǵan mindetterdi, eńbek qatynastary men áleýmettik seriktestik máse­lelerin tabysty sheshken. Májilis kezinde birqatar ma­ńyzdy máseleler jan-jaqty aı­tyl­dy. Qarjy-ekonomıkalyq daǵ­darys elimizde áleýmettik kepil­dikterdi oryndaýǵa tosqaýyl qoıa al­mady: 2009 jyly jáne 2010 jyl­dyń basynan bastap ómir sú­­rýdiń eń tó­mengi deńgeıi, memle­kettik áleýmet­tik járdem, kásip­oryndardaǵy jáne bıýdjettik sa­lalardaǵy zeınetaqy men jalaqy mólsheri ósti. Jumys­syzdyqtyń 6,3 paıyzǵa deıin azaıý úderisi baı­qaldy. Sebebi, 400 myń­nan artyq jumys oryndary ashyl­ǵan. Kásip­odaqtar federasııasynyń tór­aǵasy S. Múqashev óz sózinde mundaı kózge kórinetin tabystarda kásip­odaqtyń oń úlesi bar ekendigin, bıylǵy jylǵy basty mindet – ol esep berý-saılaý sezderi jáne sa­lalyq kásipodaqtar men aımaqtyq kásipodaq birlestikteriniń konfe­­ren­sııalaryn, Kásipodaqtar fede­rasııasynyń kezekti XXII sezin ótkizý bolyp tabylatynyn aıtty. Májiliste sondaı-aq, Federa­sııanyń múshelik uıymdarynyń basymdyqtary retinde salalyq jáne óńirlik kelisimder jasaý, “Ujymdyq shartty jasańdar!” atty ulttyq aksııalarǵa qatysý, jalaqy boıynsha qaryzdardy qaıtarý úshin odan ári kúres júrgizý, jalaqyny kóterý sekildi jumystar júrgizilip jatqandyǵy aıtyldy. Bul kúngi selektorlyq jınalysqa qatysý­shy­lar jergilikti jerlerdegi kásip­odaqtardyń jumysy týraly da keńinen aqparat berdi. Jıyn sońynda Memleket bas­shy­sy N.Nazarbaevtyń bıylǵy “Ja­ńa onjyldyq – jańa eko­nomı­kalyq órleý – Qazaqstannyń jańa múmkindikteri” atty Jol­daýyna baı­lanysty arnaıy qarar qabyldandy. Láıla EDILQYZY.