Bul tizimde portýgalııalyq Krıshtıaný Ronaldý men argentınalyq Lıonel Messı kósh bastap tur. Árıne, oǵan tańdanýǵa bolamas. Sońǵy 10 jyl kóleminde aıtýly qos azamat eń úzdik fýtbolshyǵa tıesili «Altyn dopty» alma-kezek ıelenýde. Sol ýaqyt aralyǵynda álemdegi ózge teńbil dop sheberlerine bundaı baq birde-bir márte buıyrmady. Al Ronaldý men Messıdiń qanjyǵasy bes-bes retten maılandy.
Úshinshi orynda – Neımar. Brazılııanyń shabýylshysy da sońǵy kezderi óreli ónerimen jankúıerler júregin jaýlaýda. Sonymen qatar, úzdik 10 oıynshynyń qataryna polshalyq Robert Levandovskı, ýrýgvaılyq Lýıs Sýares, ıspanııalyq Davıd De Hea, germanııalyq Manýel Noıer, ıspanııalyq Serhııa Ramos, belgııalyq Eden Azar jáne Germanııanyń taǵy bir juldyzy Tonı Kroos syndy sańlaqtar bar.
Ǵalym SÚLEIMEN,
«Egemen Qazaqstan»
