Merekege túbi bir túrki elderi Ázerbaıjan, Qazaqstan, Qyrǵyzstan men Túrkııadan ónerpazdar qatysty. Osynaý festıvalde Qyzylorda oblysynyń Turmaǵambet atyndaǵy halyq aspaptar orkestri qazaqtyń dástúrli án kúıi men jyraýlyq ónerin kópshilikke syılap, úlken qurmetke ıe boldy.
TÚRKSOI halyqaralyq uıymyna bıyl – 25 jyl. Elbasymyzdyń bastamasymen 1993 jyly qurylǵan irgeli uıym osy ýaqytqa deıin túrki áleminiń mádenı-rýhanı dúnıesin jan-jaqty nasıhattap, baýyrlas elder arasynda yntymaqtastyqtyń nyǵaıýyna ólsheýsiz úles qosyp keledi.
– Qyzylorda oblystyq fılarmonııanyń janynan qurylǵan Turmaǵambet atyndaǵy halyq aspaptar orkestri bul óner festıvaline qazaq eliniń, qala berdi Syr boıynyń jáne alys-jaqyn elderdiń kompozıtorlarynyń shyǵarmalarymen kelip, túrkitildes elderdiń óner festıvaline qatysyp jatyr. Mundaǵy halyq bizdi óte jyly qabyldady. Qoshemetterin kórsetip, konsertimizdi jaqsy tamashalady.
О́ner festıvaliniń gala konserti eldiń bas qalasy – Ankarada ashyq aspan aıasynda ótti. Keshke qatysqan Túrkııanyń belgili saıasatkerleri, zııaly qaýym men halyqaralyq uıymdardyń ókilderi sahnada jasyndaı jarqyldaǵan qazaqstandyq ónerpazdarynyń sheberligine tánti bolyp, qurmet-qoshemet bildirdi. Uıymdastyrýshylar kelesi jyly bul festıvaldiń aıasyn keńeıtip, dástúrli túrde ótkizýdi josparlap otyr,-deıdi Qyzylorda oblystyq fılarmonııanyń dırektory Talǵat Maqashov.
Baqtııar TAIJAN,
«Egemen Qazaqstan»
QYZYLORDA OBLYSY
