Gúltastyń izgilik álemi

2015 jyly 11 naýryz kúni keshke Gúltas telefon shaldy. Jaı kúnderi jarq ete qalatyn daýy­synda diril, qobaljyǵandyq bar sııaqty kórindi. Búgin onyń ren­jıtin kúni emes qoı dep te oı­ladym. Aldynda ǵana te­le­dıda­r-

dan Elbasy Nursultan Nazarbaevtyń memlekettik til – qazaq tilinen lın­gvıs­tıkalyq komıssııanyń aldynda synaqtan ótkeni, qazaq tilin jetik meń­ger­gendigi týraly memleket qaı­rat­keri, komıssııa tóraǵasy Myr­za­taı aǵa Joldasbekovtiń suh­batyn kórdim. О́zim de Gúl­tasqa telefon soǵamyn dep otyr­ǵanmyn. 

– Gúltas, qutty bolsyn, bú­gin Elba­sy­nyń ózinen emtıhan aldyńdar, qalaı boldy?

– Ápke, keremet boldy. Nursultan Ábishulynyń ulylyǵy men qara­paı­ym­dylyǵyna taǵy da kóz jetkizdim. Myrzataı aǵa amandasyp bolǵan soń, Nursultan Ábishulyna komıssııa múshelerin tanystyrdy. Pro­fes­sorlar: Seıit Qasqabasov, Faý­zııa Orazbaeva, Dıhan Qam­za­bekulyn ol kisilerdiń bul komıssııada burynnan bar ekenin aıtty da, maǵan kezek kelgende: «Bıyl komııassııaǵa jańa múshe qosyldy, bul kisi pro­fessor Gúltas Qurmanbaı Nazarbaev Ýnıversıtetinen» dedi. Sol kezde Elbasy: «Men bul kisini óte jaqsy tanımyn, qazaq tiliniń arıstokrattyq til ekenin men osy kisiden, osy ki­si­niń shákirtterinen kórdim», de­di. 2012 jyly 1 naýryzda men Nazarbaev Ýnıversıtetinde ózim basqaratyn «Qazaq tili, ádebıet jáne mádenıet kafedramdy» Nursultan Ábishulyna ta­nystyryp, oqý mazmuny, ótkizgen pánder týraly aıttym. Elbasy biraz suraqtar qoı­­dy. Al stýdentim Álibek Nur­kesh keremet sóılep, ózi shy­ǵarǵan óleńin oqyǵan bolatyn. Elbasy sonda ýnıversıtet rek­to­ry Shıgeo Katsý myrzaǵa qa­zaq tili oqytýshyń mynadaı eken dep basbarmaǵyn kórsetipti. Ony búkil ujymnyń kózinshe rektor aıtyp, meni quttyqtaǵan. Kórdińiz be, sol úsh jyl burynǵy oqıǵa da, stýdenttiń sóı­legeni de esinde qalypty. Bi­le­siz be, ápke, meniń eń baqytty kúnim – osy kún! Elbasynan mun­daı baǵa alý meniń oıyma da, tip­ti ar­manyma da kirmegen ǵoı. Ápke, men aýyldan shyq­qan, qarapaıym qoıshynyń ǵana qy­zymyn ǵoı, – dep kóńili bosap ketkenin baıqadym.

– Elbasy da qarapaıym aýyl­dan, qa­zaq mektebinde oqyǵan, ata-anasy da qarapaıym adamdar. Pre­zıdent seniń týa bitken ustaz ekenińdi sezgen ǵoı, – de­dim.

Shyndyǵynda, bul ekiniń biri­ne buıyra bermeıtin Gúl­tastyń juldyzdy sáti, ustaz eńbeginiń saltanaty edi.

Al sol ustaz, ǵalym, jazýshy Gúl­tas Saıynqyzy qalaı qalyp­tasty? 

Biz 1990 jyly Jezqazǵan qalasynda jalpy bilim bere­tin orta mekteptiń oqý-tár­bıe máselelerine arnalǵan pe­da­­go­gı­kalyq oqýlar ótkizdik. Sol oqý­larda eki baıandama qaty­syp otyrǵan muǵalimder qaý­y­mynyń kóńilinen shyqty. Kóp­shil­iktiń sheshýimen Gúltastyń baıandamasy birinshi orynǵa ıe boldy. Men ol kezde oqý mınıs­tri­niń orynbasary edim. Bul – Gúltaspen alǵash tanysýym. 

Keıin uly Abaıdyń 150 jyl­dyq mereıtoıy qar­sa­ńynda Oqý­shylar saraıynda res­pýb­lı­kalyq ǵylymı-prak­tı­ka­lyq konferensııa boldy. So­nyń plenarlyq otyrysynda bes júz­den asa qatysýshylardyń al­dynda Gúltas panoramalyq sa­baq ótkizdi. Bul buryn-sońdy bol­­maǵan tanymdyq mańyzy bar erekshe ótkizilgen sabaq tyń­daý­shy jurtqa jaqsy áser etti. 

Gúltas Saıynqyzy óz aýy­lyn­­daǵy orta mektepti bitirgen soń, qazirgi ál-Farabı atyndaǵy ýnı­versıtettiń fılologııa faký­l­tetine túsip, ony 1981 jyly támamdaıdy. Eńbek jolyn ustaz­­­dyq­tan bastap 8 jyl Almaty qala­synda Ǵ.Músirepov atyn­daǵy №86 mektepte qazaq tili men áde­bı­eti pánderiniń muǵa­limi bolǵan. Ári qa­raı Gúltas Y.Altynsarın atyn­daǵy peda­go­gıkalyq ǵylymı-zert­teý ıns­tıtýtynyń aspırantýrasyna tú­­sip, ony bitirgen soń ol osy me­ke­me­niń, ózi bilim alǵan ál-Farabı ýnı­ver­sı­tetiniń, odan soń Qazaq-Brıtan teh­nı­kalyq ýnı­ver­sı­te­tiniń qazaq tili jáne orys tili kafedrasynyń meń­ge­rý­shisi qyzmetterin atqarǵan. Al 2010 jyldan Astanada jańa ashylǵan Nazarbaev Ýnıversıtetiniń qazaq tili, ádebıet jáne mádenıet ka­fe­d­rasynyń meńgerýshisi. О́tken jyldan beri osynda oqytýshy, ári «Rýhanı jańǵyrý» ortalyǵynyń meńgerýshisi. 

Nazarbaev Ýnıversıtetine kelgen kúnnen bastap Gúltastyń ót­kizgen is-sharalary teledıdar­dan, radıodan, baspasóz bet­terinde, elimizdiń bas gazeti «Egemen Qazaqstanda» júıeli kór­­seti­lip keledi. Gúltastyń óziniń de osy Ýnı­ver­sıtet týra­ly­, akademııalyq oqý saıa­saty tý­raly, stýdentterdiń bilimdegi je­tistikteri týraly maqalalary da osy gazette jaryq kórýde. 

Gúltas Saıynqyzy 1997 jyly «Qazaq ádebıetin oqytýda oqý­shy­lar­dyń tabıǵatqa izgilik qa­ty­nasyn qa­lyptastyrý ne­giz­deri» degen taqy­rypta kan­dı­dattyq dıssertasııa qor­ǵa­dy. Al 2010 jyly «Jalpy orta bilim berý mazmunynyń gý­man­­dyq baǵyttylyǵynyń ǵy­ly­mı-peda­go­gı­ka­lyq ne­giz­deri» taqyrybynda dıs­ser­­­ta­sııa qorǵap, pedagogıka ǵylym­da­rynyń doktory ǵylymı dárejesine ıe boldy. Ol ǵalym retinde óte ónimdi jumys atqaryp júr. Osy jyldary 4 monografııa jazdy. О́zi nemese avtorlyq birlestikte, jalpy orta bilim berýdiń jalpyǵa mindetti standarttary, qazaq, orys, uıǵyr, ózbek tilderinde júretin mektepterdiń 5-11 synyptary úshin oqý pániniń standarttary men oqýlyqtar, 19 oqý baǵdarlamasy, 20-ǵa jýyq oqý qu­ra­ly, 14 ádistemelik qural, 60-tan asa maqala, 40-qa jýyq res­pýb­lı­ka­lyq já­ne halyqaralyq ǵylymı kon­fere­n­sııa­lardaǵy baıandamalary ta­ǵy bar. Bul aıtýǵa ǵana ońaı. 

Gúltas Saıynqyzynyń jarııalanǵan kórkem shyǵarmalary men kitaptary da az emes. Onyń ishinde týǵan jeri týraly «Meniń Kúreńbelim», ájesi týraly «Apam – aq nurym», ákesiniń sózi­men atalǵan «Halyqtyń betine týra qaraıtyndaı ómir súrińder», ana­syna arnaǵan «Meıirimimen shýaq shash­qan ǵa­lamǵa», «Qońyraý», «Tamshy sóz­der men qamshy sózder» aforızmder jına­ǵy t.b. kitaptary. Solardyń ishinde «Er jetti ulym, boıjetti qyzym» já­ne «Qońyraý» pedagogıkalyq esse­ler jınaǵy, «Boıtumar» tárbıelik áńgi­meler jınaǵyna erekshe kóńi­lim tústi. Sebebi bizde ǵylymı-ádis­te­melik maqalalar pedagogıkalyq ba­sy­­lymdarǵa shyǵyp jatady. Al peda­go­gıkalyq kórkem shyǵarma joq deýge bolady. Qazir mektep ómiri, bala tár­bıesi, ustaz eńbegi, ata-analarmen qa­rym-qatynas, ǵalamdaný dáýirindegi qo­ǵamda bolyp jatqan problemalar týraly pedagogıkalyq kórkem ádebıet ne kórkem fılm, sahnalyq qoıylymdar atymen joq. Sondyqtan Gúltastyń joǵaryda atalǵan kitaptary azdap bolsa da sonyń ornyn toltyrady. Búgingi keıipkerimiz Gúltas Saıynqyzy sııaqty ustazdardyń ashyq sabaqtaryn, tárbıe saǵattaryn teledıdardan arnaıy aıdarmen kórsetip tursa, jalpy olardyń shyǵarmashylyq laboratorııasymen tanystyryp otyrsa, jas muǵalimderge jaqsy ónege emes pe? Qoǵamda ustaz bedelin arttyrý maqsatynda osyndaı sharalar ótip tursa, búkil oqý-tárbıe jumysy utpasa, utylmaıdy ǵoı?!

Gúltas ózi uıymdastyrǵan is-shara­lardyń ssenarııin ózi jazady. Meniń biletinim Gúltastyń Abaıǵa, Maǵ­jan­ǵa, Muqaǵalıǵa, Muhtar Áýezov­ke, Mahambetke, Qurmanǵazyǵa, Farı­za­­ǵa arnalǵan teatrlandyrylǵan qoıy­lymnyń ssenarııleri. Aqyn-jazý­shy­lardyń shyǵarmashylyq ómiriniń ózegin ala otyryp, onyń talanty men ereksheligin asqatatyp beredi. Ári ony stýdentteri obraz­ǵa ene otyryp oınaǵanda, kórer­men­di beı-jaı qaldyrmasy anyq.

Gúltastyń ádebıetti súıýi erekshe. Ol ádebıettiń qamqorshysy dep aıta alamyn. 2000 jyldardyń basynda Y.Altynsarın atyndaǵy Bilim akademııasy men Ulttyq akademııanyń ǵalymdary orys, uıǵyr mektepterindegi qazaq ádebıeti pánin orys, uıǵyr tilinde júrgizý kerek degende, múıizi qara­ǵaı­daı akademıkterge jalǵyz Gúltas qarsy shyǵyp: « Bul pánniń aty – Qazaq ádebıeti ǵoı, bul orys áde­bıeti emes. Ne dep otyrsyzdar? Onyń ústine qazaqtyń qaı shyǵarmasy keremet aýdaryldy? Abaıdyń ózin aýdara almaı otyrǵan joqpyz ba? Eger sizder mundaı sheshimge kelseńizder, onda qazaq mektebindegi orys ádebıetin qazaqsha oqytaıyq. Qazaq balalaryna da túsinikti bolsyn» dep kónbeıdi. Men ol kezde Astanada edim, Almatyǵa barǵanymda Gúltas osy áńgimeni maǵan kóńili qulazyp otyryp aıtty. Sodan biraz ýaqyttan keıin sala basshylyǵyna kelgenimde bul másele meniń aldymnan shyqty. Gúltastyń shyryldap qorǵaǵan Qazaq ádebıeti orys, uıǵyr mek­tepterinde qazaq tilinde oqytylady degen sheshim shyǵaryldy. 

Gúltas Saıynqyzy ǵylymı-pedago­gı­kalyq qyzmeti úshin 2002 jyly Y.Altynsarın atyndaǵy I dárejeli syı­lyqtyń ıegeri atandy. «Qazaq KSR bilim berý isiniń úzdigi», Y.Altynsarın me­dali, «Nazarbaev Ýnıversıtetiniń úzdik oqytýshysy», «Joǵary oqý ornynyń úzdik oqytýshysy», «Qazaq­stan Respýblıkasynyń bilim berý isiniń qurmetti qyzmetkeri», «Nazarbaev Ýnıver­sıtetiniń eń úzdik professory» ataǵyna qosa, el Táýelsizdiginiń 25 jyldyǵy qarsańynda joǵary mem­lekettik nagrada «Qurmet» ordenimen nag­radtaldy. Jambyl oblysy, Jýaly aýdanynyń qurmetti azamaty. 

Gúltas ultymyzdyń uly tulǵalaryn ulyqtaý merekelerine erekshe qýanyp, odan ózi de syrt qalmaıdy. Máselen, 2000 jyly búkil qazaq halqynyń súıikti batyry Baýyrjan Momyshulynyń 90 jyldyǵynda Tarazda úlken toıǵa baratyn boldym. Sol óńirdiń týmasy Gúltas Saıynqyzyn shaqyryp edim, ol qýana kelisti. Sonymen Tarazda batyrǵa eskertkish ashyldy, keshke oblystyq qazaq drama teatrynda belgili jazýshy Sherhan Murtazanyń «Noqtaǵa basy syımaǵan» degen qoıylymdy kórdik. Ertesine toı batyrdyń týǵan jeri Jýalyda jalǵasty. Batyrǵa mýzeı ashylatyn bolyp, eskertkishi aldynda saltanatty jıyn boldy. Jaqyn eldi mekenniń bárinen kelgen jurtta esep joq. Jıyndy oblys ákimi S.Úmbetov ózi ashyp, birneshe adamǵa sóz berdi. Men Serik Ábikenulyna Gúltas óleń oqysa dep ótinish jasap edim, Sekeń mádenıetti adam ǵoı, Gúltasty shyǵardy. О́leńdi jurt óte jaqsy qabyldady. Sebebi, Gúltas júregimen jazyp, shynaıy se­zim­men oqydy. 9 shýmaq óleńin mynadaı sózdermen aıaqtady.

Sendeı adam ómirge eki kelmeıdi,

Lebizińe eliń talaı shóldeıdi.

Alash aman tursa, aǵaıyn, ómirde

Baýyrjandaı batyr qazaq ólmeıdi. 

Bul bárimizdiń oıymyz ǵoı. Al Gúltastyń batyrǵa arnaǵan bir toptama óleńderi bar eken. Áni-mini degenshe batyr aǵamyzdyń 100 jyldyǵy da kelip qaldy. Qazaqstan Respýblıkasynyń Má­denıet mınıstrligi eń jaqsy pat­rıottyq ánge konkýrs jarııalady. Osy­ǵan deıin Gúltas sózin, al Qazaq mem­lekettik qyzdar pedagogıkalyq ýnı­­versıteti mýzyka fakýltetiniń de­kany Gúlnur О́mirbaeva mýzykasyn jaz­ǵan Domalaq anamyzǵa arnalǵan «Nur dıdarly Nurıla» degen ádemi án shyq­qan. Endi úlkendigimdi paıdalanyp myna konkýrsqa qatysyńdar dep qolqa saldym. Án shyqty. Jáne sol konkýrs­ta I orynǵa ıe boldy. Jurtshylyqqa 4 tomdyq túsindirme sózdiktiń avtory retinde keń tanymal etnograf ǵalym, jazýshy, saıahatshy V.Dal qazaq dalasynda bolǵan eken. Birneshe tildi, sonyń ishinde qazaq tilin táp-táýir meńgeripti. О́ziniń sol saparlarynyń birinde jazǵan «Bıkeı ı Maýlıana» degen povesinde qazaq qyzyn bylaısha sýretteıdi. «Otkýda v etoı krasavıse, v etoı stepnoı pevıse sverkaıýshıı, ostryı ým, tonkaıa mýzykalnost, vysokıı poetıcheskıı dar? Eı ne nanımalı gývernantok, ee ne derjalı v modnom pansıone, da znaet lı ona, chto takoe knıga!» Menińshe, qurmetti ǵalym keıinirek bizdiń halqymyzdyń ózine ǵana tán, ǵasyrlar boıy qalyptasqan pedagogıkalyq mádenıeti bolǵanyn baıqaǵan shyǵar. Sol ulaǵaty mol ulttyq tárbıeniń jemisi ekenin túsingen bolar. Al men ǵalymnyń joǵaryda aıtylǵan sózderin oqyǵanda Gúltas sııaqty qyz­dardy elestettim. Bir sátte shýmaq-shýmaq óleńderin tógip jibergende qy­zyǵasyń, sóıleıtin jerinde, ásirese, na­mys­tansa esesin jibermeı, sheshen sóı­­lep ketkende súısinesiń. Áńgime ult­­tyq qundylyqtarymyz týraly bol­­sa, tipti jigerlenip ketedi. Al óleń oqy­­ǵanda erekshe qanattanyp qalady. Mek­tepte oqyp júrgende jazǵy dem-

alysyn áke-sheshesimen ylǵı jaılaýda ótki­zetin Gúltas at qulaǵynda oına­ǵan, tipti qazir de qala jaǵdaıynda Erbol ekeýi ıppodromǵa baryp, atpen júrip qaıtýdy ádetke aınaldyrǵan dese senesiz be? Iаǵnı áje Gúltas ta tańǵaldyrýda. Osy qasıetter qaıdan bastaý aldy? 

Gúltas Saıynqyzy 1958 jyldyń maýsym aıynyń 9-da Jambyl oblysy, Jambyl aýdany, Kúreńbel aýylynda mezgilinen erterek, jeti aıly­ǵyn­da dúnıege kelipti. О́zinen týǵan qyzdary óle bergen ájesi: «Osy qyzym turady. Atyn Gúltas qoıamyn. Tasqa bitken gúldeı myqty bolsyn», depti. Gúltastan soń Shárbaný, Indıra, Sveta degen úsh sińlisi bar. Jas kezinde-aq ákesiniń uly joqtyǵyn bildirmes úshin ol shóp shapsa da, mal baqsa da er balasha kıinip alyp ákesine kómektesip, janynda júredi eken. Qalbúbi ájesiniń, ıaǵnı «Kún apasynyń» qolynda ósken soń, ákesine qaryndasyndaı erkin sóı­lep, sheshesine jeńeshe deıtin bol­ǵan. О́se kele ákesiniń dos kóńildi syr­la­syndaı bolypty. Bir joly áke­sine «Sáke, saǵan sheshem ekinshi áıel alýǵa ruq­sat berdi ǵoı. Tipti ol áıel ul týyp berse, basyma kóteremin», dep edi ǵoı. Sen nege sony jasamadyń? Sen bizge baýyr kerek ekenin nege oılamadyń? –

depti. Biraz únsizdikten soń ákesi: «О́ki­netin esh nárse joq, buǵan da táýbe, senderdi bergenine rahmet. Qyz­darym tórt ul (tórt kúıeý bala) áke­l­di, nemerelerim bar. Tek bir arma­nym Alla meniń janymdy alsa da, Syrymtaıyma (Gúltastyń úlken uly) densaýlyq berse eken», depti. Ákesiniń tiri kezinde sol eldiń shejiresin jasaýshylar «Saıynnan Gúltas» dep jazǵanyn kórip qýanypty. Al Gúltas aǵaıyn-týystaryna, shejire avtorlaryna alǵysyn aıtyp: «Qyz degenge qımaǵan qaıran elim, qadirińe jetem be, endi seniń?», dep hat jazyp, al «Tamshy sózderine» «Qyz bolsam da júregimde elimdi jylytar ot bar, aınalaıyn aǵaıyn, keýdemde janym bolsa, jylýymdy senderden aıamaspyn», dep qosypty. Menińshe, Gúltas Saıynqyzy búkil bolmysymen, bilim-biligimen, izgilikti is-áreketimen aıtqan sózderine berik ekenin dáleldep keledi. 

Gúltas sóz qudiretin erte túsingen. Ol ájesiniń ertegilerin, qazaqtyń ádet-ǵu­ryp, salt-dástúri týraly aýyz ádebı­e-

­timizde saqtalǵan áńgimelerin estip ós­kenin, sheshesiniń toqymasyn toqyp oty­ryp, qyzdaryna qazaq ertegilerin, ǵashyqtyq jyrlaryn, batyrlyq jyrlaryn, keı jyr-dastandardyń mazmunyn aıtyp otyrady eken. Sóz qudiretin erterek túsinýiniń bastaýynda, sóz joq, analary turǵan. Árıne, mekteptegi, ýnı­versıtettegi ustazdarynyń oı-sa­na­synyń ósýine, mamandyǵy boıyn­sha shyńdalýyna, qazaq ádebıetiniń mol qazynasyna jol silteýiniń orny bólek. Gúltas ájesi, ata-anasy týraly ǵana emes, búkil aǵa-jeńgeleri, ápke-jez­deleri, qaıyn jurty, dostary men aýyldastary týraly esse-áńgi­me­ler, arnaý óleńder jazǵan. Máse­len, Gúl­tastyń Qazyna enesiniń rýhyna arna­ǵan myna óleńinde: 

Elanam-aý ardaqty,

Jan ediń anam jan-jaqty.

Qaıyńdydaǵy bulaqtaı,

Sónbeıtin máńgi shyraqtaı, dege­nine qaraǵanda ekinshi anasynyń da bolmysy atyna saı qazynaly bolǵany ǵoı. Bul joly da Gúltas «Eneńdi syılasań, ene bolatynyńdy umytpa, Qartty syılasań, erteń óziń de qartaıatynyńdy esińe al», degen qamshy sózimen túıindeıdi. Aınalasyndaǵy adamdardyń bárine kóńil syılaýǵa osynsha meıirim qaıdan kelip jatyr? Jaqyndaryna arnaǵan, týǵan jeri týraly kitaptaryn oqyp otyrǵanda osy suraqqa jaýap kelgen sııaqty. Gúltas berekeli otbasynda dúnıege kelip, meıirimge shomylyp ósti. Kózin ashyp kórgeni – ata-anasy, týys-

tary, olardyń dostary arasyndaǵy syılastyq, úlkenge qurmet, kishige qamqorlyq. Sońǵy jyldary elimizde «Mereıli otbasy» baıqaýy ótip júr. Otbasylyq qundylyqtardy keńirek nasıhattaý kerek-aq. 

Gúltas Saıynqyzy ustazdyq qyzme­ti­niń birinshi kúninen qazaq jastaryn elin, jerin súıýge, týǵan halqynyń múd­desine rııasyz qyzmet etýdi Alla­nyń bergen syıy, al onyń ulttyq qun­dy­lyqtaryn eń basty baılyǵym dep qa­byldaýǵa tárbıelep keledi. Onyń dáleli – shákirtteriniń sózi. Osydan on jyl buryn Gúltastyń mekteptegi jáne KBTÝ-daǵy shákirtteri súıikti ustazynyń elý jyldyǵyna eki tilde «Ustaz týraly sóz» – «Slovo ob ýchıtele» degen 250 bettik kitap shyǵarypty. Sonda Mahatova Adelına: «Apaıdyń jú­reginen nur jaýyp turady. Biz sol nurǵa asyǵamyz», dese, Halıdýllın Rýslan: «Ol qazaq tilin, qazaq ultyn janyn­daı súıedi. Onyń Otanyna pat­rı­ottyq sezimi óte tereń. Osy úsh aıdyń ishinde uıyqtap qalǵan júregimiz oıandy, qazaq ulty bar ekenin, ulty erkin ekenin seze bastady. Osy adam bolmasa, ómirge kózqarasym múldem tómen bolar edi. Iá, ol adam – Gúltas apaı!», depti. Al keıingi jyldardaǵy stýdent shákirtteriniń biri Erden Serikbaı ustazy týraly: «Dál qazirgi ýaqytta Oral qalasy daryndy balalarǵa arnal­ǵan mektep-lıseı ınternatynda fızıka pániniń muǵalimimin. Bul meniń ýaqytsha jumysym emes, buıyrsa, eńbek jolymdy osylaı jalǵastyramyn. Bul tańdaýyma ýnıversıtettiń qazaq tili kafedrasynyń basshysy, ustazym, ekinshi anam Gúltas Saıynqyzy sebepker boldy. Ustazymnyń ónegege toly leksııalary halqyma aıanbaı eńbek etýge úıretti. Endi ustaz bolýdan artyq mamandyq joq men úshin. Ýnıversıtette kórip-bilgenimniń barlyǵy óz isimdi sapaly atqarýǵa kómegin tıgizip jatyr»,  – dep jazypty. Osy sózderdi oqyǵanda oıly jastarymyz bar ekenine, bular bolashaqta qazaqtyń tulǵaly azamaty bolady dep qýandym. Olardyń pák júreginen shyqqan tańǵy shyqtaı tap-taza sezimin bildiretin sózder súıik­ti ustazyna qýanysh pen jaqsy kóńil syılap turatyn shyǵar. Sebebi shákirt­te­riniń shynaıy qurmetine bólený ustaz úshin baqyt emes pe? Gúltas maman­dy­ǵyn dál jáne mahabbatpen tańdapty. Sondyqtan da ol óz isine óte adal, oqý aýdıtorııasyna qýanyp kirip, qýanyp shyǵady. 

Gúltas otbasylyq ómirde de ba­qyt­ty. Súıikti jar. Aıaýly ana. Qyzy Shynar Abaı atyndaǵy ulttyq peda­go­gıkalyq ýnıversıtettiń Halyq­ara­lyq quqyq fakýltetin, al Saıat Qazaq-Brıtan ýnıversıtetin bitirip, eke­ýi de óz mamandyǵy boıynsha eńbek etýd­e.  Erbol men Gúltas úsh nemere súıip otyr. Olardyń kórer jaqsylyqtary kóp bolsyn, Alla ǵumyr bersin dep tileımin. 

Shámsha BERKIMBAEVA 
Qazaqstannyń eńbek sińirgen qyzmetkeri