Irikteý bastalǵan tusta Shvesııany eshkim sonshalyqty bir qarsylas kórip, favorıtter qataryna qosqan joq. Onyń basty sebebi, quramadan Zlatan Ibrahımovıch ketip qaldy. Ataqty shabýylshy Eýro dodasynan keıin quramada oınamaımyn dep, óz erkimen bas tartty. Talaı tyǵyryqtan alyp shyqqan alyptyń sharshaǵandyǵy ras. Alaıda onyń ornyn basatyn elde shabýylshy joqtyń qasy. Onyń ústine Zlatan «Manchester Iýnaıted» sapyna aýysyp, Eýropa lıgasynyń oıynynda jaraqat alyp qaldy. Al Shvesııa «barymen bazar» dep iske kiristi. Negizgi qarsylas – Fransııa men Nıderlandy quramalary bolatyn. Mamandar osy eki ujym birinshi orynǵa talasyp, jeńilgeni ótpeli oıynǵa keter dedi. irikteý sońyna qaraı jaǵdaı kúrt ózgerdi. Rasymen de Fransııa eshqandaı máselesiz óz maqsatyna jetti. Biraq sońǵy týrlarda ol Nıderlandyny óz alańynda 4:0 esebimen tas-talqan etti de, Dık Advokat komandasyn taǵdyr talaıyna tastady.
Qalǵan úsh oıynda ekinshi orynǵa jarmasýdyń amalyn qarastyrǵan Nıderlandy quramasy Shvesııanyń súrinýin kútti. Sebebi eki komandanyń upaıy birdeı bolǵanymen, dop aıyrmasy skandınavtardyń paıdasyna bolatyn. Irikteý aıaqtalýǵa bir týr qalǵanda Shvesııa Lıýksembýrg qaqpasyna 8 gol soǵyp, ekinshi orynǵa nyq senimmen shyqty. Sońǵy týrda Nıderlandy Shvesııany 2:0 jeńgenimen, ekinshi orynǵa kóterile almady. Al skandınavııalyqtardyń basty maqsaty 7:0 bolyp jeńilmeý edi.
Ekinshi oryn alǵannan soń Shvesııany taǵy bir aýyr syn kútip turdy. Eki oıynnan turatyn ótpeli match. Iаǵnı qos kezdesýdiń qorytyndysy boıynsha Italııany jeńip shyǵý. Alǵashqy oıynda Shvesııa erlik jasap qarsylasty 1:0 jeńdi. Iаkob Iýhanssonnyń soqqysy jol-jónekeı qarsylas qorǵaýshysyna tıip, baǵytyn ózgertti. Býffon bul dopty tosa almady. Jaýapty oıyn Italııada ótip, qonaqtar qorǵanysqa myqtap ornyqty. «Skýadra Adzýrra» jankúıerleri jerlesterine sengenimen, oıynda birde-bir gol soǵylǵan joq. Shvesııa qorǵanysynyń óte myqty ekenin dáleldep, mýndıalǵa joldama aldy.
Mine, mamandar qorǵanysyn maqtap júrgen Shvesııanyń osyndaı qyry bar. Ol az deseńiz, sońǵy eki joldastyq kezdesýi qalaı aıaqtalǵanyn da esterińizge sala otyraıyq. 2 maýsym kúni Shvesııa kórshiles Danııamen 0:0 teń tústi, sosyn dál osyndaı nátıjemen 9 maýsym kúni Perý quramasymen de teń tarqasty.
Álem chempıonatynyń aldynda Zlatan Ibrahımovıch AQSh-tyń «LA Gelaksı» komandasyna aýysyp, jaqsy óner kórsete bastady. Jaraqatynan aıyqqanyn baıqatyp, ádemi goldar soqty. Keıin bir suhbatynda «Eger bapker shaqyrsa, men ulttyq qurama sapyna qaıta baramyn. Shvesııa úshin kómegimdi aıamaımyn», dedi. Biraq Iаnne Anderson Zlatandy quramaǵa shaqyrmady. Sebebi adýyndy shabýylshy quramaǵa kelse, ózge jigitter ózderin kemshin sezinip, búkil nazar Ibraǵa aýady dep oılady. Degenmen Ibrahımovıch Reseıge arnaıy shaqyrtýmen kelip, Reseıge jankúıer bolamyn dedi. Al Shvesııa oıynshylary ózderin psıhologııalyq turǵyda jaqsy sezinip, Meksıka, Germanııa, Ońtústik Koreıanyń arasynan pleı-offqa joldama alýǵa tyrysady.
Shvesııa quramasynyń tizimi:
• qaqpashy: Robın Olsen («Kopengagen», Danııa), Karl Iohan Ionsson («Gengam», Fransııa), Krıstoffer Nordfeldt («Sýonsı», Ýels);
• qorǵaýshylar: Mıkael Lýstıg («Seltık», Shotlandııa), Vıktor Lındelef («Manchester Iýnaıted», Anglııa), Andreas Grankvıst («Krasnodar», Reseı), Lıýdvıg Aýgýstınsson («Verder», Germanııa), Emıl Kraft, Fılıp Helander (ekeýi de – «Bolonıa», Italııa), Pontýs Iаnsson («Lıds», Anglııa), Martın Olsson («Sýonsı», Ýels);
• jartylaı qorǵaýshylar: Emıl Forsberg («Leıpsıg», Germanııa), Vıktor Klasson («Krasnodar», Reseı), Albın Ekdal («Gambýrg», Germanııa), Sebastıan Larsson («Hall», Anglııa), Djımmı Dýrmaz («Týlýza», Fransııa), Markýs Roden («Krotone», Italııa), Oskar Hılemark («Djenoa», Italııa), Gýstav Svenssonn («Sıetl», AQSh);
• shabýylshylar: Ola Toıvonen («Týlýza», Fransııa), Markýs Berg («Ál-Aın», BAÁ), Ion Gvıdettı («Alaves», Ispanııa), Isaak Kıse Telın («Vasland-Beveren», Belgııa).
• Bas bapker: Iаnne Andersson – 55 jasta (20.09.62)
Ermuhamed MÁÝLEN,
«Egemen Qazaqstan»
