«Qazaqstan táýelsizdik alǵan alǵashqy jyldardan bastap sheteldik ınvestorlar úshin qolaıly jaǵdaı jasaý nátıjesinde ekonomıkalyq ósimge qol jetkizdi. Japonııa – Qazaqstannyń iri ınvestorlarynyń biri. 2005-2017 jyldar aralyǵynda Japonııadan Qazaqstanǵa quıylǵan tikeleı ınvestısııanyń kólemi 5 mlrd AQSh dollarynan asty», dedi A.Qabykenov.
Al 2017 jyldyń nátıjesi boıynsha Qazaqstannan Japonııaǵa 886 mln AQSh dollarynyń taýary eksporttalypty. 2018 jyldyń 1 mamyryndaǵy jaǵdaı boıynsha Qazaqstanda japon tarapynyń qatysýymen 77 zańdy tulǵa, fılıaldar men ókildikter tirkelgen.
Japonııanyń ekonomıka, saýda jáne ónerkásip mınıstrliginiń halyqaralyq ister jónindegi vıse-mınıstri Tadao Iаnase japondyq kompanııalardyń Qazaqstanǵa ınvestısııa salýǵa qyzyǵýshylyq tanytyp otyrǵanyn atap ótti. Osy másele boıynsha sóz alǵan Qazaqstan-Japonııa ekonomıkalyq komıssııasy tóraǵasynyń orynbasary, «ITOTIý» korporasııasynyń keńesshisi Tosııýkı Kosýgı: «Qazir biz eki el arasyndaǵy damý strategııasynyń jańa bastamalaryn júzege asyrýdy qolǵa alyp otyrmyz. О́tken jyly Qazaqstan Úkimeti «Sıfrly Qazaqstan» baǵdarlamasyn qabyldady. Osy baǵyt boıynsha ári qaraı da kóptegen tıimdi jumystardy júzege asyra alar edik», dedi óziniń sózinde.
Sonymen, Qazaqstan-Japonııa ekijaqty yntymaqtastyq forýmy aıasynda birneshe memorandýmǵa qol qoıyldy. Solardyń qatarynda jylýmen, sýmen jabdyqtaý, ıadrolyq energetıka jáne Almaty qalasynda qalalyq kólikti damytý boıynsha mańyzdy jobalar bar. Atap aıtqanda, «Kazakh Invest» basqarmasynyń tóraǵasy Saparbek Tuıaqbaev pen «Marýbenı Korporeıshn» kompanııasynyń vıse-tóraǵasy Iаmadzoe Sıgerý Almaty qalasynda qalalyq kólikti damytý boıynsha ózara túsinistik týraly memorandýmǵa qol qoıdy.
«KazSentr JKH» AQ, «Mitsui & Co LTD» jáne «Japansystem Planing LTD» arasynda jylý jáne sýmen jabdyqtaý júıelerinde qanatqaqty jobany júzege asyrý boıynsha ózara túsinistik pen yntymaqtastyq týraly memorandýmǵa, «Kazakhstan Nuclear Power Plants» pen «The Japan Atomic Power Company», «Marubeni Utility Services Ltd» arasynda ıadrolyq energetıka salasyndaǵy yntymaqtastyq týraly memorandýmǵa qol qoıyldy.
Suńǵat ÁLIPBAI,
«Egemen Qazaqstan»
