«Meniń alǵashqy mamandyǵym IT – tehnologııaǵa baılanysty, qazir Qazaqstanda sıfrlandyrý júrip jatqanyn eskersek, bul asa ózekti másele. Sıfrlandyrý jáne kompıýterlik tehnologııalar zamanynda programmıst sııaqty oılaý jáne kez kelgen is-áreketterdi avtomattandyrý qabiletterin bilý mańyzdy», dedi «Nur Otan» partııasynyń Almaty qalalyq fılıaly tóraǵasynyń orynbasary, qalalyq máslıhattyń depýtaty Stanıslav Kankýrov.
IT-synyby Qorǵanys mınıstrliginiń áskerı-tehnıkalyq mektebiniń bazasynda ashyldy. Oqýǵa ártúrli jastaǵy er adamdar men áıelder keldi. «Eń bastysy adamnyń oqýǵa degen nıeti men ýaqyty bolý kerek. Oqý barysynda men óz oı-órisimdi jáne kásibı biliktiligimdi arttyratynyma senimdimin», dedi kýrsqa qatysýshy, almatylyq Nurmuhan esimdi jigit.
«Nur Otan» partııasynyń «Sıfrly Qazaqstan» jobasy aıasynda aldaǵy úsh jylda elimiz boıynsha tegin 1000 IT-synyp ashý josparlanyp otyr. Bul joba boıynsha jylyna 150 myń bala bilim alatyn bolady. Partııanyń bul tyń bastamasy atalǵan máseleniń oń sheshilýine yqpalyn tıgizetini sózsiz. Erteńgi kúni 1000 IT bolashaqqa órilgen mamandyq ıesi, bilgir jas bolyp ómirge joldama alady. Muny «Nur Otannyń» qolǵa alyp jatqan jarqyn bastamasynyń biri dep oılańyz.
Saparbaı PARMANQUL,
«Egemen Qazaqstan»
ALMATY
