-Semeıdiń kóshelerin jáne aýlalardy abbattandyryp, gúldendirip, kóriktendirýge qalalyq bıýdjetten 1 mılıard 196 mıllıon teńge bólindi,-dedi qala ákimi Ermak Bıdahmetuly,-bul jumysty kún saıyn qadaǵalap otyrmyz. Salaýatty ómir saltyn qalyptastyrý úshin qalanyń ár jerlerinde 11 sporttyq alań salyný josparlanǵan.Oǵan 90 mıllon teńge qarajat berldi. Ásirese qala turǵyndary arasynda qoldaý tapqan Abaı alańyn jóndeýge 87 mıllıon teńge bólinýi óte quptarlyq boldy.
Qala kóshelerin kúrdeli jáne aǵymdaǵy jóndeýge osy jylǵa 2 mılıard 235 mıllıon teńge bólindi. Jyl saıyn qala kósheleriniń jóndelýi turǵyndar tarapynan qoldaý taýyp otyr.
Semeı qalasy ákiminiń baspasóz máslıhaty barysynda taratqan derekterine súıensek, máselen, kóptegen jyldary boıy jóndelmegen Áset Naımanbev kóshesi aǵymdaǵy jóndeýden ótýde. Sonymen qatar avtokólikter kóp júretin Táńirbergenov, Tıtova, Ormandy, Qabanbaı batyr, Aımaýytov taǵy basqa kósheler jóndelýde. Qazirgi ýaqytta 36 kóshe joldary aǵymdaǵy jóndeýden ótti.
Jalpy kezdesý barysynda qala ákimi jýrnalısterdiń qoıǵan barlyq saýaldaryna jaýap berip, jyl basynan beri qalanyń ekonomıkalyq damýynda oń ózgerister qalyptasyp otyrǵandyǵyn aıtty, keıbir saýaldardyń jaýabyn jýrnalıstermen birge qarastyratyndyǵyn jetkizdi. Máselen, aldaǵy ýaqytta avtobýs qozǵalysy, jer asty joldarynyń tazalyǵy birigip shyqqan reıdterde qarastyrylmaq.
Raýshan NUǴMANBEKOVA,
sýretter avtordyki.
SEMEI
