Kýba dıplomaty naýryz aıynda ótken saılaýdyń qorytyndysy týraly habardar etti, onda halyq bıligi Ulttyq assambleıasynyń jańa quramy jasaqtalyp, onyń jańa Tóraǵasy men Memlekettik keńestiń músheleri saılanǵan bolatyn.
Elshi sondaı-aq medısına, sport, týrızm, sonymen qatar quqyq qorǵaý salalaryndaǵy ózara tıimdi yntymaqtastyqtyń tamasha múmkindikterin de atap ótti. Ol BUU-da Kýbany qaǵıdalyq turǵyda qoldaǵany úshin Qazaqstanǵa rızashylyǵyn bildirdi.
Júzdesýshiler sondaı-aq Iаdrolyq qarýsyzdaný jáne ony taratpaý jolyndaǵy parlamentshilerdiń odaǵy men Parlamentaralyq odaq aıasyndaǵy parlamentaralyq únqatysýdy óristetýdiń zor áleýetin de atap ótti.
Q.Toqaev Ulybrıtanııa jáne Soltústik Irlandııanyń elshisi Maıkl Gıffordty qabyldady jáne dıplomattyń baı tájirıbesi eki el arasyndaǵy ózara tıimdi yntymaqtastyqqa járdemdesetinine senim bildirdi. Tóraǵa Qazaqstan Ulybrıtanııany asa mańyzdy saýda-ınvestısııalyq áriptes retinde qarastyratynyn, saıası, onyń ishinde eki el parlamentteri arasyndaǵy únqatysýdy damytýdy jaqtaıtynyn atap ótti. Elshi bir aı buryn Qaýymdar palatasynyń depýtaty Bob Stıýart bastaǵan Qazaqstanmen yntymaqtastyq jónindegi Búkilpartııalyq parlamenttik toptyń delegasııasy Qazaqstanǵa kelgenin aıtty.
Senat Tóraǵasy ótken sessııadaǵy Parlament jumysynyń qorytyndylary týraly habardar etip, 84 zań qabyldanǵanyn aıtty.
