Atyraý oblystyq ákimdigi uıymdastyrǵan ekspozısııa QR Ulttyq akademııalyq kitaphanasynda ótedi. Búgin, 30 maýsymda saltanatty ashylýy boldy. Oǵan Parlament Senatynyń depýtaty Ǵumar Dúısembaev, aqyn-jazýshylar, mádenıet, óner qaıratkerleri, astanalyqtar men qala qonaqtary, BAQ ókilderi qatysty.
"Atyraý Astanany quttyqtaıdy" atty kórmege aımaqtaǵy mýzeıler men kitaphanalardaǵy jádigerler qoıyldy. Shara maqsaty - Astana turǵyndary men qonaqtaryn Atyraý oblysynyń 80 jyldyq tarıhymen tanystyrý. Jergilikti aqyn-jazýshylardyń jańa jınaqtary, kitaptary da kórmeden oryn aldy. Kelýshilerge 200 tarıhı, etnografııalyq, arheologııalyq eksponattar usynyldy, onyń ishinde Altyn adam men kóne Saraıshyq qalasynan tabylǵan qundy dúnıeler de bar. Memleket basshysy bekitken Dombyra kúniniń qurmetine kórme barysynda qonaqtar Atyraý topyraǵynda týǵan Qurmanǵazy men Dınanyń kúılerin tyńdaı alady.
-Atyraý - kúı otany sanalady. Ataqty dombyrashylardyń arqasynda kúı óneri ǵasyrdan ǵasyrǵa jalǵasyp keledi. Dombyra- qazaq mádenıetiniń bir bólshegi ǵana emes, myńdaǵan adamdardyń júrekterin jylytqan ulttyq aspabymyz, - deıdi aqyn, aýdarmashy Marjan Ershý.
Mýzeı qoryndaǵy Rysbaı Ǵabdıev, Qarshyǵa Ahmedııarov, Ázıdolla Esqalıev, Ǵataý Ibishov, Ásıma Izmuhambetova, Narıman Úlkenbaev, Ilıa Jaqanov sekildi óner qaıratkerleriniń dombyralarymen atyraýlyq ónerpazdar án aıtyp, kúı tartty. Kórmege jergilikti qolóner sheberleriniń týyndylary da qoıyldy. Shara aıasynda "Dombyra - dastan" kitabynyń tusaýkeseri ótti. Ol kitapta mýzeı qorynda saqtaýly ulttyq aspaptar jaıynda jazylǵan.
-Búgingi kórme Atyraý oblysynyń baı murasy týraly tolyq málimet berdi. Belgili aqyn-jazýshylardyń, dombyrashylardyń shyǵarmashylyǵymen tanystyq.Árıne, bir kórme arqyly aımaqtyń bar baılyǵyn kórsetý qıyn, alaıda Altyn adam, dombyra kolleksııasy, keremet kitaptar sııaqty negizgi jádigerler óńir jaıynda shejireli syr shertedi, deıdi QR Ardagerler uıymy ortalyq keńesi tóraǵasynyń orynbasary О́mirzaq Ozǵanbaı.
