Qabyldaý barysynda Pavlodar oblystyq ekologııa departamenti laboratorııalyq-taldaý bóliminiń basshysy Erik Egimbaev jobalyq qujattardy ázirleý barysynda ekologııalyq monıtorıngti avtomattandyrýdy qarastyrýdy usyndy. Sondaı-aq Pavlodar oblysyndaǵy aýdandyq mańyzy bar jáne aýyldyq dárigerlik mekemelerdiń negizgi tarıfterin ózgertý týraly másele kóterildi. Sharbaqty aýdandyq máslıhatynyń depýtaty Lıýdmıla Marınko bizdiń elimizde Reseı Federasııasynyń úlgisinde ana kapıtaly júıesin engizý múmkindigi týraly óz oılaryn ortaǵa saldy. Qabyldaý barysynda aıtylǵan saýaldardy Senat depýtaty nazarda ustaıtyn boldy.
N.Nursıpatov sondaı-aq partııanyń oblystyq bólimshesindegi Partııalyq baqylaý komıssııasy men Sybaılas jemqorlyqqa qarsy is-qımyl jónindegi qoǵamdyq keńes múshelerimen jumys babyndaǵy kezdesý ótkizdi. Sybaılas jemqorlyqqa qarsy 2015-2025 jyldarǵa arnalǵan partııanyń baǵdarlamasyn, «Nur Otan» partııasynyń jáne elimizdiń Memlekettik qyzmet isteri jáne sybaılas jemqorlyqqa qarsy is-qımyl agenttiginiń Yntymaqtastyq týraly memorandýmy aıasynda birlesken sharalar júrgizý josparyn iske asyrý, Memleket basshysynyń bes áleýmettik bastamasynyń oryndalýyn partııalyq baqylaýdy qamtamasyz etý máseleleri talqylandy.
