«Astana kýbogi» úshin ótken ulttyq sport merekesi eki qashyqtyq boıynsha (alaman – 25 shaqyrym, báıge – 16 shaqyrym) uıymdastyryldy. Báıge túrlerinen «Astana kýbogin» sarapqa salýǵa respýblıkamyzdyń barlyq oblystary, Astana jáne Almaty qalalary 2 júırikten qosty. 16 shaqyrymda 1 oryndy Almaty oblysynyń sportshysy Aqjol Jumataı aldy, sáıgúligi - Murager. 2 oryndy Laıt Endjl sáıgúligimen qaraǵandylyq Rahman Álisher ıelendi, úshinshi oryndy Almaty sáıgúligimen Astana qalasynyń shabandozy Arnur Qurvanjan ıelendi.
25 shaqyrymdyq Alaman báıgeniń birinshi bas júldesin BQO shabandozy Sádýaqas Bekzat ıelendi, ekinshi oryn qaraǵandy oblysynyń atynan shyqqan Aqjol Jumataıda, sáıgúligi – Buırajal, úshinshi oryndy almatylyq shabandoz Orazaly Jorbek ıelendi.
Astana qalasynyń 20 jyldyǵyn merekeleý aıasynda ótken báıgeniń jalpy júlde qory – 20 mln teńge. 25 shaqyrymdy quraıtyn alaman báıgeniń bas júldesi – 20 000$-dy quraıdy.
Jarysty uıymdastyrýshy – QR Mádenıet jáne sport mınıstrligi, QR Ulttyq sport túrleri qaýymdastyǵy. Respýblıkalyq týrnırdiń júlde qoryn usynýshy – Astana qalasy ákimdigi.
Báıge túrlerinen ótetin respýblıkalyq týrnır QR Ulttyq sport qaýymdastyǵy jarııalaǵan «Astananyń 20 jyldyǵyna – 20 ulttyq-sporttyq is shara» kampanııasy aıasynda uıymdastyrylyp otyr.
