Senatorlar Jalpaqtal aýylyndaǵy № 15 órt sóndirý bólimshesinde boldy. Onyń ǵımaraty byltyr kúrdeli jóndeýden ótken bolatyn. Depýtattar Baıqońyr kóshesinde salynyp jatqan 2 qabatty 12 páterlik turǵyn úı qurylysymen de tanysty. Elbasymyzdyń «Rýhanı jańǵyrý» baǵdarlamasy aıasynda júzege asqan jańa nysandardy aralap, aýyl saıabaǵyndaǵy «Batyrlar alleıasy» men qylqalam sheberi Sáken Ǵumarovtyń eskertkishinde boldy.
Senatorlar N.Tóreǵalıev pen E.Muqaev Jalpaqtal mádenıet úıinde jurtshylyq ókilderimen, aýyl aqsaqaldarymen jáne mekeme basshylarymen kezdesti. Kezdesýde halyq qalaýlylary Parlamenttiń zań shyǵarý qyzmeti men sessııa barysynda qabyldanǵan jańa zańdar týraly jan-jaqty aıtyp berdi. Sondaı-aq qoıylǵan saýaldarǵa jaýap berip, usynystarǵa den qoıdy.
Depýtattar sol kúni Jańajol aýylynda bolyp, kúrdeli jóndeýden ótip jatqan áleýmettik nysandarmen jáne jol qurylysymen tanysty.
Senat depýtattary aýdan ortalyǵy – Qaztalov aýylynda taıaýda paıdalanýǵa berilgen 100 oryndyq ınternatta boldy. Depýtattar sondaı-aq ınternat qasynda salynyp jatqan saz mektebiniń qurylys alańynda bolyp, «Jolaýshy - Jol» mekemesiniń qyzmetkerlerimen de kezdesti.
Senat depýtattary «Nur Otan» partııasynyń májilis zalynda aýdan aktıvimen kezdesip, sapardy qortyndylady.
