Is-sharaǵa álemniń 80 elinen kelgen syrtqy saıası vedomstvolarynyń basshylary, sondaı-aq 170-ten astam azamattyq qoǵam ókilderi jáne 100 dinı lıderler qatysty.
Konferensııany ashqan AQSh Vıse-prezıdenti Maıkl Pens dinı erkindikti qamtamasyz etý Prezıdent Donald Tramp Ákimshiliginiń basty basymdyqtarynyń biri ekendigin, sondaı-aq AQSh-tyń memlekettik saıasatynyń mańyzdy baǵyty bolyp tabylatyndyǵyn málimdedi. Osyǵan baılanysty dúnıe júzindegi dinı birlestikter, azshylyqtar men dindar adamdardyń quqyqtaryn qorǵaýda AQSh halyqaralyq qoǵamdastyqqa járdemdesý jáne qolǵabys kórsetýdi jalǵastyrýǵa nıetti.
Memlekettik hatshy M. Pompeonyń aıtýynsha, atalǵan maqsattardy júzege asyrý úshin AQSh dindarlardyń quqyqtary men bostandyqtaryn qorǵaýǵa baǵyttalǵan birqatar bastamalardy júzege asyrýdy josparlaýda. Konferensııa qatysýshylary AQSh-tyń Potomak deklarasııasyn jáne Dinı bostandyqty qamtamasyz etý salasyndaǵy Potomak is-qımyl josparyn qabyldaý týraly usynysyn qoldady.
О́z sózinde Qazaqstan Respýblıkasynyń Syrtqy ister mınıstri Q.Ábdirahmanov Qazaqstannyń dinı bostandyq qaǵıdasyna berik aınymastyǵyn jáne elimizdiń osy saladaǵy halyqaralyq kúshterdi qoldaýǵa daıyndyǵyn rastady. Syrtqy saıası vedomstvo basshysy osy bastamalardyń 2016 jylǵy sáýirde Prezıdent Nursultan Nazarbaevtyń Islam yntymaqtastyǵy uıymy sammıti aıasynda usynylǵan «ıslamdyq tatýlasý» ıdeıasymen, sondaı-aq 2012 jylǵy jeltoqsanda BUU Bas Assambleıasy qoldaǵan «mádenıetterdi jaqyndastyrý» ıdeıasymen sáıkes keletindigine erekshe nazar aýdardy.
Qazaqstandyq tarap dinı bostandyqty nasıhattaý halyqaralyq turaqtylyq pen qaýipsizdikti qamtamasyz etýge yqpal etedi dep sanaıdy. Buǵan beıbitshilik, qaýipsizdik, turaqtylyq pen turaqty damýdyń óńirlik úlgisi retinde qyzmet etýge umtylatyn Ortalyq Azııa dálel.
Sóz sońynda Mınıstr Konferensııaǵa qatysýshylardy aǵymdaǵy jyldyń qazan aıynyń basynda ótetin Qazaqstan kóshbasshysynyń bastamasymen qurylǵan, dinder, mádenıetter men órkenıetter arasyndaǵy dıalogty qoldaýdyń biregeı alańy bolyp tabylatyn Qazaqstandaǵy Álemdik jáne dástúrli dinder lıderleriniń VI sezi týraly habardar etti.
Sonymen qatar, Q. Ábdirahmanov Konferensııa aıasynda AQSh Memlekettik hatshysy M. Pompeo, AQSh Prezıdentiniń aǵa keńesshisi Djared Kýshnermen pikir almasty jáne Memlekettik hatshynyń Ońtústik jáne Ortalyq Azııa isteri jónindegi orynbasary Elıs Ýellspen kelissózder júrgizip, onyń barysynda qazaqstandyq-amerıkandyq qarym-qatynastar damýynyń aǵymdaǵy jaǵdaıymen men bolashaǵy talqylandy
QR Syrtqy saıası vedomstvonyń basshysy Vashıngtondaǵy sapary barysynda jetekshi saraptamalyq ortalyqtardyń biri «Atlantıkalyq keńeske» baryp, onda Qazaqstan damýynyń negizgi basymdyqtary týraly brıfıng ótkizdi jáne halyqaralyq kún tártibindegi ózekti máseleler boıynsha pikir almasty.
