Ol úshin M.Qozybaev atyndaǵy Soltústik Qazaqstan memlekettik ýnıversıtetiniń besinshi oqý ǵımaratynyń aldyna teleskop ornatylyp, qyzyqtaýshylar qatary qalyń boldy.
Eńseli oqý ornynyń professory Andreı Solodovnıktiń aıtýynsha aıdyń tolyq tutylýy óte sırek kezdesetin oqıǵa. Túngi 12-ler shamasynda jerdiń kóleńkesi aıdy jaýyp, atmosferany kesip ótetin kún sáýleleleri qanyq qyzyl túske boıaǵan. Sóıtip jer seriginiń tutylýy 1 saǵat 43 mınýtqa sozylǵan. Astronomnyń boljamynsha Mars ta jerge jaqyndap, adam kózine kórinetin qashyqtyqta bolǵan.
«Bir ereksheligi Aıdyń tolyq tutylýy men Marstyń qarama-qarsy kelýi bir mezgilde baıqaldy deýge bolady. Astronomııalyq qubylystardyń arasyndaǵy aıyrmashylyq jarty táýlik qana. Bul ózgeristerdi Reseı men TMD elderiniń basym bóligi, Úndistan, Afrıka turǵyndary baqylaı aldy»,deıdi professor.
О́mir Esqalı,
«Egemen Qazaqstan».
Soltústik Qazaqstan oblysy
