Qazaqstan • 28 Shilde, 2018

Qazaqstandyqtar JOO bilim granttaryn bólgende baqylaýshy bola alady

450 ret

kórsetildi

1 mın

oqý úshin

Qazaqstandyqtarǵa eldiń joǵary oqý oryndary men kolledjderge túsý kezinde memlekettik bilim berý tapsyrystary men bilim berý granttaryn taǵaıyndaıtyn konkýrstyq komıssııa jumysyna qatysýǵa múmkindik beriledi. Bul sharany «Qoǵamdyq baqylaý kartasy» jobasyn júzege asyrý aıasynda Memlekettik qyzmet isteri jáne sybaılas jemqorlyqqa qarsy is-qımyl agenttigi Bilim jáne ǵylym mınıstrligimen birlesip uıymdastyrýda, dep habarlaıdy agenttiktiń baspasóz qyzmeti.

Egemen Qazaqstan

Qazaqstandyqtar JOO bilim granttaryn bólgende baqylaýshy bola alady

Agenttik baspasóz qyzmetiniń habarlaýynsha, azamattardyń táýelsiz baqylaýshy retinde qatysýy úshin tanymal messendjerler men áleýmettik jelileri arqyly aldyn ala Agenttiktiń aýmaqtyq departamentine ótinish berýi qajet.

Agenttik qoǵamdyq baqylaýdy kúsheıtýdiń osy saladaǵy sybaılas jemqorlyqty boldyrmaýdyń eń tıimdi tetikteriniń biri bolatynyna senimdi. Sonymen qatar, talapkerlerdiń áleýetti jumys berýshileri bolyp tabylatyn bıznes qurylymdary ókilderiniń konkýrstyq komıssııalarǵa qatysýy óte mańyzdy.

Ár aýdanda jáne oblysta qurylǵan Agenttiktiń arnaıy baqylaý toptarynyń músheleri konkýrstyq prosedýralarǵa belsendi qatysady. Oǵan túrli salalardaǵy sarapshylar kiredi.