«Jyl saıyn bul baıqaýǵa qatysýǵa nıet bildirgen kásipkerler qatary kóbeıip keledi. Kórme-baıqaýǵa qatysqan kásiporyndar aldaǵy ýaqytta ónim sapasyn kóteredi, óıtkeni kórmede olar úzdikterden úırenedi, kóredi. Respýblıkaǵa jáne odan da tys jerlerge ónimi belgili «Baıan sulý» kondıter fabrıkasy, «DEP» sút zaýyty, «Agromash Holdıng» mashına qurastyrý zaýyty osyndaı kórmelerge san márte qatysyp, ózderin dáleldegen. Qazir eksporttyq áleýeti artqan olardyń ónimine syrttan suranym kúshti» dedi Arhımed Begejanuly.
Oblys óńirinde 50 myńnan asa kásipker bar, olar jyldyń bastapqy úsh aıynda 353 mıllıard teńgeniń ónimin shyǵarǵan. Ol ótken jyldyń osyndaı merzimimen salystyrǵanda 25 paıyzǵa artyq. Kórmege qatysqan ónimderdiń jańalyǵy da kóp boldy. «Germes-4» kásipornynyń maldyń túıirshik jemin shyǵarǵanyna bir jyldyń ǵana júzi boldy. Al olardyń ónimi oblys, respýblıkadan asyp, Túrkııa, Reseıge jóneltiledi. Mal sharýashylyǵyn damytý úshin bul jaqsy ınnovasııalyq jańalyqtyń biri deýge bolady. Onyń baǵasy da mal baqqan sharýaǵa asa qymbat emes sekildi. Jemniń bir tonnasy 40 myń teńgege túsedi.
Kórme-baıqaýda «О́ndiristik mańyzy bar úzdik taýarlar» atalymy boıynsha osy «Germes-4» kásiporny birinshi oryn aldy. Sodan keıin mashına qurastyratyn «Saryarqa Avtoprom» zaýyty ekinshi, medısınaǵa qajetti tazalaý hımııalyq ónimin shyǵaratyn «MedıDez» kásiporny úshinshi oryndy aldy. «Halyq tutynatyn úzdik taýarlar» atalymy boıynsha «Dombaeva» jeke kásiporny birinshi orynǵa, «Sodalıt» zergerlik kompanııasy ekinshi, "Triera KZ" kásiporny úshinshi orynǵa laıyqtaldy. Al «Úzdik azyq-túlik taýarlary» atalymynyń júldeli oryndaryn «PIK fırmasy» JShS, «Qaragýlına» JK jáne «Akva arasan» JShS bólisti.
Jeńimpazdar «Qazaqstannyń úzdik taýarlary» respýblıkalyq baıqaýynda baǵyn synaıtyn bolady.
Názıra Járimbet,
«Egemen Qazaqstan»
Qostanaı
