Qazaqstan • 29 Shilde, 2018

«Otar» 40-shy áskerı bazasynda «ArHO-2018» saıysyna kúsheıtilgen daıyndyq júrýde

765 ret

kórsetildi

1 mın

oqý úshin

Bıylǵy jyly Armııa halyqaralyq oıyndary sheńberinde «Otar» 40-shy áskerı bazasynyń aýmaǵynda UUA eseptoptarynyń «Suńqar ańshylyǵy», «Artıllerııalyq oq atý sheberleri» saıysy jáne áskerı baılanysshylardyń «Senimdi qabyldaý» baıqaýy ótedi, dep habarlaıdy Qorǵanys mınıstrligi.

Egemen Qazaqstan

«Otar» 40-shy áskerı bazasynda «ArHO-2018» saıysyna kúsheıtilgen daıyndyq júrýde

Búgingi tańda QR Qarýly Kúshteriniń «Otar» 40-shy áskerı bazasynyń mádenı-tynyǵý ortalyǵynda kelgen áskerı qyzmetshiler úshin tanystyrý brıfıngteri ótkizildi, baıqaýlardyń negizgi erejeleri, jattyǵýlardyń kestesi jáne qaýipsizdik tehnıkasynyń negizgi talaptary jetkizildi. Qazaqstandyq tarap saıys qatysýshylarynyń jaıly turýlary úshin barlyq jaǵdaı jasady. Tamaqtaný rasıony qatysýshylardyń as úıine barynsha beıimdelgen. Kún saıyn mádenı-tynyǵý jáne sporttyq is-sharalar ótkizilýde.

«Qazaqstan óte qonaqjaı el, byltyrǵy jyldaǵydaı bizdi qushaq jaıa qarsy aldy. Tamaqtary dámdi, jataqhanada turý úshin barlyq qajetti jaǵdaı jasalǵan. Biz dán rızamyz jáne «Artıllerııalyq oq atý sheberleri» baıqaýynda jeńiske jetkimiz keledi», - dep Venesýelanyń komanda qatysýshy N. Ramırez alǵan áserlerimen bólisti.