Halyqaralyq Armııa oıyndary halyqaralyq dárejedegi teńdessiz shara. Jyl saıyn uıymdastyrylatyn atalmysh shara áskerı qyzmetshilerdiń tájirıbe almasyp, biliktilikterin jetildirip qana qoımaı, halyqaralyq deńgeıdegi áskerı yntymaqtastyqty da nyǵaıta túsedi.
Bıylǵy jyly Armııa oıyndary 7 memlekettiń aýmaǵynda ótedi. Qazaqstandyq áskerı qyzmetshiler oıyn aıasyndaǵy 28 konkýrstyń 14-ne qatysady. Atalmysh shara aıasynda Qorǵanys mınıstri Qazaqstan Qarýly Kúshteriniń qurama komandasynyń múshelerimen kezdesti. Mınıstr jarysqa qatysýshylarǵa jeńis tilep, olardyń laıyqty óner kórsetip, tabandylyq tanytatyndaryna senim bildirdi.
Aıta keteıik, bul jarysta «Astana», «Ońtústik», «Batys» «Shyǵys» óńirlik qolbasshylyǵynyń áskerı qyzmetshileri óner kórsetýge laıyqty dep tabyldy. Eskerte ketetin másele, 2017 jylǵy Armııa oıyndarynyń qorytyndysy boıynsha, Qazaqstan Respýblıkasy Qarýly Kúshteriniń qurama komandasy álemniń 28 elinen kelgen 150 komandanyń ishinde jalpykomandalyq esep boıynsha úshinshi orynǵa turaqtady. Uıymdastyrýshylar Qazaqstan komandasyn qatysýshylary eń kóp ári belsendi ujym retinde baǵalady. Al halyqaralyq oıyndardyń tóreshiler alqasy qazaqstandyq jaýyngerlerdiń joǵary daıyndyǵy men kásibıligin jáne biliktiligin erekshe atap ótti.
