Senat depýtattary sol kúni «Juldyz» balalar baqshasynyń eńbek ujymymen kezdesti. Depýtattar oqytýshylarǵa Elbasymyz N.Á.Nazarbaevtyń bes áleýmettik bastamasyn júzege asyrýdaǵy negizgi baǵyttar týraly aıtyp berdi. Senatorlar Prezıdent bastamalary árbir qazaqstandyq otbasy úshin mańyzy zor irgeli qundylyqtardyń barlyǵyn qamtıtynyn atap ótti. Bul laıyqty turǵyn úı satyp alýǵa qol jetkizý, salyq aýyrtpalyǵyn tómendetý arqyly eńbekke aqy tóleýdi ulǵaıtý, jastardyń sapaly bilim alý múmkindigin keńeıtý bolyp tabylady. Balalar baqshasynyń qyzmetkerleri turǵyn úı máselesin sheshýge jáne mektepke deıingi uıymdar qyzmetkerleriniń eńbekaqysyn kóterýge baılanysty máselelerge nazar aýdardy.
Kezdesý barysynda aýyl turǵyndary «Aqmol-Nuresil-Talapker» avtomobıl jolyn jóndeý máselesi sheshimin tapqany úshin parlamentshilerge alǵysyn jetkizdi. Aýdan turǵyndary Mánshúk aýylymen baılanystyratyn «Astana - Qorǵaljyn» tas jolynyń «Qabanbaı batyr-Mánshúk-Orazaq» avtomobıl jolynyń ýchaskesin jóndeýge kómek kórsetiletinine de senim artyp otyr.
Aqmola oblysynyń tynys-tirshiligimen tanysý Ereımentaý aýdanynda odan ári jalǵasty. R.Ákimov pen D.Ádilbekov Novomarkovka aýylynda «Jańa Bereke» sharýa qojalyǵynyń jumysymen tanysyp, óndiris sehtarynda boldy. Agrarlyq kásiporyn basshylyǵymen áńgime barysynda Memleket basshysynyń bes ınstıtýttyq reformalarynan týyndaıtyn mindetter aıasynda agrarlyq salaǵa nesıe berý máselelerine erekshe nazar aýdaryldy. Aýdan ákimi Vıktor Radchenko «7-20-25» baǵdarlamasynyń oryndalý barysy týraly baıandaı kelip, respýblıkalyq mańyzy bar avtomobıl jolynyń qurylysy men halyqty aýyz sýmen qamtamasyz etý máseleleri týraly habardar etti.
R.Ákimov pen D. Ádilbekov Ereımentaý qalasynyń jylýmen jabdyqtaý júıesiniń qysqy maýsymǵa daıyndyq jumystarynyń barysymen tanysty. №2 orta mektepke barǵan kezde jańa oqý jylyna daıyndyq jáne kúrdeli jóndeý jumystaryn aıaqtaý máseleleri talqylandy.
