Shaǵyn nesıe berý salasy qarqynmen damyp kele jatqan qarjy ınstıtýty retinde elimiz ǵana emes jahandyq ózgeristerdi jyldam ıgerýmen qatar «Sandyq Qazaqstan» memlekettik baǵdarlamasynyń júzege asýyna barynsha yqpal etip keledi. Osyndaı pikirlerin ortaǵa salǵan qarjy sektorynyń mamandary salanyń zamanaýı múmkindikterin ıgerýde sandyq tehnologııalardyń jetistikterin atap ótti.
Qazaqstanda ID Finance qarjylyq tehnologııa tobynyń negizin qalaýshylardyń biri B. Batın, «Solva» shaǵyn nesıeleý uıymynyń bas dırektory M.Bekjanov, «Podpıshı. Onlaın» bas dırektory O. Qundaqbaev, «Mintos» (Latvııa) ınvestısııalyq platformasyn usynýshy P. Mıkelson Qazaqstandaǵy qarjy naryǵy, onyń ishinde bank júıesi, shaǵyn nesıemen qamtamasyz etýdegi sandyq júıeniń basymdyqtaryna toqtalyp, tutynýshylardyń múddesi, shaǵyn nesıe alýdaǵy ótinishterin onlaın qarastyrýdyń jańa múmkindikteri týraly baıandady.
Qazaqstandaǵy alǵashqy shaǵyn nesıeleýdi sandyq júıede júzege asyrýdyń tıimdiligimen bólisken sarapshy mamandar qazirgi kezde elimizdiń kóptegen aımaqtarynda onlaın qyzmetterge suranystyń artyp kele jatqandyǵyn jetkizdi.
Elvıra Serikqyzy,
«Egemen Qazaqstan»
ALMATY
