Astana tóraǵalyǵynyń basymdyqtary tanystyryldy

Máskeýde Qazaqstan Respýblıkasynyń Syrtqy ister mınıstri Erjan Qazyhanovtyń tóraǵalyǵymen Ujymdyq qaýipsizdik sharty uıymyna múshe memleketter Syrtqy ister mınıstrleri keńesiniń, Qorǵanys mınıstrleri keńesi men Qaýipsizdik keńesi hatshylary komıtetiniń birlesken otyrysy bolyp ótti. Oǵan syrtqy saıası jáne áskerı vedomstvolardyń jetekshileri, UQShU-ǵa múshe memleketter Qaýipsizdik keńesiniń hatshylary qatysty.

Birlesken otyrys jumysyna Qazaqstan Respýblıkasy Qaýip­siz­dik keńesiniń hatshysy Marat Tá­jın, Qorǵanys mınıstri Ádilbek Jaqsybekov bastaǵan Qazaqstan Respýblıkasy Qorǵanys mınıstr­li­giniń áskerı delegasııasy qatys­ty. Májilis barysynda E.Qazy­ha­nov Qazaqstan Prezıdenti Nursul­tan Nazarbaev bekitken Astananyń UQShU-ǵa 2012 jylǵy tóraǵa­ly­ǵynyń basymdyqtaryn tanys­tyrdy.

Kún tártibine 30-dan astam másele qoıyldy. Olar – daǵ­da­rys­qa áser eter júıeniń tıimdiligin art­tyrý men jetildirý jáne UQShU-nyń áleýetin paıdalaný (onyń ishinde ujymdyq kúshter), áskerı yntymaqtastyqtyń  tıimdiligin arttyrý, zamanaýı qaýip-qa­terlerge qarsy áreket etý qujat­tarynyń jobasy.

Birlesken otyrysqa qatysý­shy­lar 12 tamyzda Astanada ótken UQShU-ǵa múshe memleketter bas­shy­larynyń beıresmı kezdesýinde qol jetkizilgen kelisimderdi júze­ge asyrý sharalaryn talqylap, UQShU UQH sessııasy (Qory­tyn­dy qujat) ótiniminiń jobasyn, sondaı-aq, UQShU-nyń Aýǵanstan aýmaǵynan shyǵatyn qaýip-qaterge qarsy turatyn jospary men tó­te­n­she jaǵdaılardaǵy UQShU-ǵa múshe memleketterdiń áreket etý tártibi týraly erejeni maquldady. Ereje jobasynda Uıymnyń ujymdyq den qoıý tártibi anyqtalady. Onyń ishinde qandaı da bir múshe mem­lekettiń quramynda oryn alǵan tótenshe jaǵdaılardy óz kúshimen aýyzdyqtaı almaǵan jaǵdaıda sol jerge Ujymdyq  jedel den qoıý qúshterin tartý qarastyrylǵan.

Sonymen qatar, 2012 jyly tóraǵalyǵy Qazaqstan Respýblı­ka­sy­nyń qolyna ótetin UQShU qyz­metiniń basym baǵyttary talqy­landy. Onyń qataryna UQShU-ǵa múshe memleketterdiń aqparattyq keńistigin qorǵaý sharalaryn qa­byl­daý, Ujymdyq jedel áreket etý kúshterin odan ári damytý men nyǵaıtý,  Ortalyq Azııa aımaǵy­nyń áýe keńistigin ujymdasa qor­ǵaý, esirtki bıznesine qarsy kúresti kúsheıtý jáne UQShU-nyń esirtkige qarsy strategııalyq baǵytyn qurý, UQShU-ǵa múshe memleket­ter­diń qutqarýshy mamandaryn daı­yndaý maqsatynda qazaqstan­dyq polıgonnyń múmkindikterin damytý bar.

Sondaı-aq, Ujymdyq qaýipsiz­dik sharty uıymy týraly shartqa  qol qoıylǵanyna 20 jyl  tolýyna jáne UQShU-nyń qurylǵanyna 10 jyl tolýy qarsańynda ótkiziletin is-sharalar jospary  qaraldy. UQShU-ǵa múshe memleketter Qor­ǵanys mınıstrleri keńesiniń sek­sııa­lyq otyrysynda UQShU QMK tóraǵasynyń baıandamasy tyńdal­dy. Onda Uıymnyń áskerı ynty­maqtastyq salasyndaǵy UQShU  koalısııa áskerı qurylysy is-sharalar josparynyń oryndalýy jáne basqa da máseleler tóńi­reginde baıandaldy.