Shat júzińdi muń shalmasyn, búldirshin!

Astanada el Táýelsizdiginiń 20 jyldyq mereıtoıyna ar­nalǵan mádenı is-sharalar jalǵasýda. Olar qalanyń joǵary jáne orta oqý oryndary, balabaqshalar men basqa da bilim ordalarynda ótýde. Jaqynda solardyń biri Táý­elsizdik kúni qarsańynda №54 «Nur-Aı» balabaqshasynda bo­lyp ótti. Munda mereıtoılyq is-sharalardy ótkizý dástúrge aı­nalǵan. Atap aıtqanda, Jańa jyl­dyq shyrsha, Naýryz meı­ramy, Astana kúni men basqa da merekeler nazardan tys qalǵan emes. Osy meıram kúnderi bala­baqsha tárbıeshileri búldirshin­der­diń boıynda ata-anany qur­metteý, otansúıgishtik sezimdi qalyptastyrý maqsatynda túrli sharalar ótkizedi. Sondyqtan ba­la­lardyń ata-analary tárbıeshi­ler­diń jumysyna árqashan rıza­shylyqtaryn bildirýmen keledi. Ásirese, ata-analar tárbıeshi Baǵ­dat Qadirberlınanyń balalarmen jumys isteý ádisine, tyn­dyrymdylyǵyna, elgezektigine tánti ekenin aıta ketken jón. Jaqynda Baǵdat Alda­ber­gen­qyzy óziniń tárbıe isindegi ju­mysyn taǵy bir qyrynan kór­set­ti. Ol ózine tıisti mektepaldy daıar­lyq «Qarlyǵash» tobyna «Elim­niń erkindigi – Táýelsizdik» atty erteńgilik jasap berdi. Onyń maqsaty – balalardy Ota­nymyz­dy súıýge, elimizdiń rámiz­derin qasterleýge baýlı otyryp, týǵan jerine degen súıispen­shi­ligin oıatý, elin, jerin, tarıhyn qurmet­teıtin, jany taza, adamgershiligi mol azamatty qalyp­tas­t­yrý. Jeltoqsan oqıǵasyn negizge ala otyryp, patrıottyq tár­bıe berý. Erteńgilik táýelsizdik jo­lyn­­­daǵy kúres shejiresin uǵyndyra otyryp, balalardy otansúıgish­tikke, eljandylyqqa tárbıeleý, táýelsizdik alǵannan keıingi eli­mizdiń jetistikteri men balalar­dy tanystyrý, bilimderin keńeı­te túsý, jas óskinge eliniń baı­lyǵyn qorǵaý qajettigin úırete otyryp, bolashaqta Otanymyz Qazaqstandy órkendetýge bilimdi adamdar qajet ekendigin uǵyn­dyrý maqsatynda da ótkizildi. Munda áýeli balalar judyryq­taı kishkentaı júrekterine qol­daryn qoıyp, bir adamdaı eli­mizdiń Ánuranyn aıtyp berdi. So­dan keıin júrgizýshi Táýelsiz­digimizdiń – eń basty qundy­ly­ǵymyz ekenin, bul kúnge biz san ǵasyrlar boıy armandap jetkenimizdi, al qazir Tuńǵysh Prezıdent Nursultan Na­­zar­­baevtyń basta­ýymen eli­mizdiń búkil álemge ta­nylǵanyn aıtqan soń, balalar Táýelsizdik, sol táýel­sizdikke túr­tki bolǵan Jeltoqsan oqıǵasy týraly jyr-shashýla­ryn shashty. Odan ári osy oqıǵa týraly qo­ıylym men «Jeltoq­san yzǵary» atty beınesıýjet kórse­tildi. Erteńgiliktiń ekinshi bóli­min­de balalar taǵy da Táýelsizdikke  arnalǵan jyr-shashýlar aıtyp, manadan beri ónerlerin uıyp tyńdap otyrǵan ata-analarynyń bárin tánti etti. Sodan keıin búl­dirshinder kezek-kezegimen táý­elsizdik alǵan kezden beri bolǵan mańyzdy oqıǵalardy ret-reti­men tizip, «Qazaqstan», «Jel­toq­san jeli», «О́z elim», «Sarjaılaý», «Arý qalam – Astana», «As­tana – Báıterek», «Táýelsiz­dik alǵan kún», «Qyran dala» sııaqty án­derdi oryndap berdi. Erteńgilikte balalardyń «Bilek saıysy» men «Qyz qýý» oıyn­da­ry jáne Tóle, Qazybek, Áıteke bılerdi som­da­ǵan rólderi qyzyq­ty jáne tar­tymdy boldy. Sha­ranyń sońynda Áz-babalardyń bata bergeni men balalardyń «Atameken» ánin or­yndaǵany da qyzyqty ári áserli shyqty. Dastan KENJALIN. ASTANA.