Kezdesý barysynda Qazaqstan men Belarýs arasyndaǵy saýda-ekonomıkalyq yntymaqtastyq jáne mashına jasaý, metallýrgııa, farmasevtıka, hımııa jáne azyq-túlik ónerkásibi, qurylys ındýstrııasy, azamattyq avıasııa, kólik jáne logıstıka salalaryndaǵy seriktestikti keńeıtý máseleleri talqylandy. Aýyl sharýashylyǵy, jeńil ónerkásip jáne t.b. salalardaǵy jańa ınvestısııalyq jobalardyń perspektıvaly baǵyttary qaraldy.
2017 jyly Qazaqstan Respýblıkasy men Belarýs Respýblıkasy arasyndaǵy ózara saýda-sattyq 2016 jylmen salystyrǵanda 56,4%-ǵa artyp, $604,1 mln qurady. Sondaı-aq, 2018 jyldyń bes aıynyń qorytyndysy boıynsha QR–BR saýda aınalymynda oń ósim qarqyny baıqaldy, ol 25,7%-dy ($260,2 mln) qurady.
2005 jyldan bastap 2018 jyldyń I toqsanyna deıin Belarýs Respýblıkasynan Qazaqstanǵa tikeleı ınvestısııalardyń jalpy aǵyny $911,9 mln qurady. 2018 jyldyń 1 maýsymyndaǵy jaǵdaı boıynsha Qazaqstanda belarýstyq úlestiń qatysýymen 408 zańdy tulǵa, bólimsheler men ókildikter tirkelgen. Saýda-ekonomıkalyq yntymaqtastyq jónindegi Qazaqstan–Belarýs úkimetaralyq komıssııasy 1996 jyldan bastap jumys isteıdi. Komıssııanyń 14-otyrysy qyrkúıek aıynda Brest qalasynda ótedi. 2019–2020 jyldarǵa arnalǵan jańa birlesken is-sharalar josparyn kelistirý boıynsha belsendi jumys júrgizilip jatyr.
