Memleket basshysynyń kelisimimen Bas Prokýror Qaırat Qojamjarovtyń a.j. 9 shildedegi buıryǵy negizinde Bas kólik prokýrory bolyp M.K. Dúısenov, Shymkent qalasy prokýrory – M.A. Qojabaev, Túrkistan oblysynń prokýrory N.M. Ábdirov, Manǵystaý oblysy prokýrory bolyp E.M. Abaev taǵaıyndaldy.
Barlyǵy Prezıdenttik rezervte oblys prokýrory laýazymynda turǵan.
M.K. Dúısenov 1973 jyly týǵan. Tergeý salasynda jáne basshylyq laýazymda tájirıbesi mol. Onyń ishinde IIM, Qarjy polısııasy, Memlekettik qyzmet jáne sybaılas jemqorlyqqa qarsy is-qımyl agenttiginde.
2013-2014 jyldar aralyǵynda Qazaqstan Respýblıkasynyń Qaýipsizdik Keńesiniń sektor meńgerýshisi laýazymynda qyzmet etti.
2016-2018 jyldarda Sybaılas jemqorlyqqa qarsy is-qımyl ulttyq bıýrosy basshysynyń orynbasary boldy.
2018 jyldyń qańtar aıynan bastap Bas áskerı prokýrordyń orynbasary.
«Qurmet» jáne II dárejeli «Aıbyn» ordenderimen marapattalǵan.
M.A. Qojabaev 1974 jyly týǵan. Prokýratýra organdarynda 1997 jyldan bastap qyzmet etip keledi.
Ártúrli jyldary aýdan prokýrory jáne Ońtústik Qazaqstan, Shyǵys Qazaqstan oblysy men Almaty qalasy prokýrorynyń orynbasary laýazymynda boldy.
2012-2017 jyldar aralyǵynda Sybaılas jemqorlyqqa qarsy is qımyl qyzmetinde Jambyl jáne Batys Qazaqstan oblysy boıynsha Sybaılas jemqorlyqqa qarsy is qımyl ulttyq bıýrosynyń basshysy qyzmetin atqardy.
2017 jyldyń jeltoqsan aıynan bastap Jambyl oblysy prokýrorynyń birinshi orynbasary.
Zańdylyq pen quqyqtyq tártipti nyǵaıtýdaǵy qosqan eleýli úlesi úshin Memleket basshysynń Jarlyǵymen «Jaýyngerlik erligi úshin» medalimen marapattalǵan.
N.M. Ábdirov 1967 jyly týǵan. Prokýratýra organdarynda 1991 jyldan bastap eńbek etedi.
Qaraǵandy oblysynda aýdan prokýrory, Astana men Almaty qalasy prokýrorynyń birinshi orynbasary laýazymdarynda boldy.
2009-2012 jyldary Bas prokýratýranyń birqatar Departamentterin basqardy.
2012-2017 jyldary aralyǵynda Aqtóbe oblysynyń prokýrory boldy.
2017 jyldyń tamyz aıynan bastap Ońtústik Qazaqstan oblysynyń prokýrory.
Zańdylyq pen quqyqtyq tártipti nyǵaıtýdaǵy, prokýrorlyq qadaǵalaýdy jetildirýdegi qosqan eleýli úlesi úshin Memleket basshysynyń Jarlyǵymen «Eren eńbegi úshin» medalimen marapattalǵan.
E.M. Abaev 1969 jyly týǵan. Prokýratýra organdarynda 1992 jyldan bastap qyzmet etedi.
Pavlodar oblysy prokýratýrasynda asa mańyzdy ister boıynsha tergeýshi, Pavlodar oblysy Ertis, Ýspen aýdandarynyń prokýrory, Astana qalasynyń Quqyqtyq statıstıka jáne arnaıy esepke alý jónindegi komıtetiniń Basqarma bastyǵy boldy.
2016 - 2017 jyldar aralyǵynda Departament bastyǵynyń orynbasary, Bas prokýratýranyń Departament bastyǵy qyzmetterin atqardy.
2018 jyldyń shilde aıynan Mańǵystaý oblysy prokýrory qyzmetin ýaqytsha atqardy.
II dárejeli «Aıbyn» ordenimen marapattalǵan.
