15 paıyz daýystan úmitti

«Aýyl» sosıal-demokratııaly partııa­sy­nyń saılaýaldy shtabynda aldymyzda bolatyn saıası naýqanǵa baılanysty ju­mystar qyzý qarqyn alý ústinde. Keshegi kúni munda Polshadan kelgen EQYU ókil­deri bolyp, partııanyń jumys jaǵdaıymen tanysty. Olardy partııa tóraǵasy, aýyl sharýashylyǵy ǵylymdarynyń doktory, akademık Ǵanı Qalıev qabyldady. Meımandarmen bolǵan áńgime bary­syn­da qazaqstandyq qoǵamda demokratııalyq úderisterdiń óris alý jaǵdaıy, aldaǵy saı­laý­ǵa daıyndyq máseleleri, «Aýyl» par­tııa­synyń qoǵamdaǵy róli týraly aıtyldy. EQYU ókilderiniń qoıǵan suraqtaryna baılanysty partııa tóraǵasy ózderiniń saılaý kezinde daýystardyń 15 paıyzyn alýǵa úmitti ekendikterin jetkizdi. Bul partııa 2000 jyldyń qańtar aıynda qurylǵan bolatyn. Onyń quramynda 200 myńnan astam múshe bar. Partııa fılıal­dary barlyq oblystarda jáne Astana men Almaty qalalarynda jumys isteıdi. Qurylymy 160 aýdandyq uıymdy, 2090 bastaýysh uıymdy qamtıdy. Áńgime barysynda Ǵanı Qalıev qazirgi ýaqytta Qazaqstanda Parlament Májilisi depýtattyǵyna saılaýaldy jumystary beıbit jaǵdaıda, ózara únqatysý negizinde óris alyp kele jatqandyǵyn atap kórsetti. Keshegi kúni sondaı-aq «Aýyl» partııa­sy­nan Parlament Májilisi depýtattyǵyna kandıdat bolyp tirkelgen Jasqaırat Sún­detuly Batys Qazaqstan oblysynyń Jańa­qala aýdanynda bolyp, aýdan turǵyn­dary­men kezdesýin bastady. Mastyqsaı aýy­lyn­da bolyp ótken saılaýshylarmen kezdesý barysynda  «Aýyl» partııasynyń baǵdar­la­masy men saılaýaldy tuǵyrnamasy týraly áńgime boldy. Kandıdat partııanyń alǵa qoıyp otyrǵan maqsattaryn halyqqa túsindirip berdi. Osyndaı kezdesý aýdan ákimdiginde de bolyp ótti. Partııanyń ortalyq saılaýaldy shta­byn­da qazirgi kúni úgit-nasıhat jumys­ta­ryn júr­gizý tártibi men halyqqa jetkizý quraldary pysyqtalyp, ázirlený ústinde. Qalalyq avtobýstarda júgirtpe joldar arqyly úgit júrgizilmek. Sondaı-aq kóshelerde bılbordtar men basqa da kórnekilikter ilinbek. Keshe, sondaı-aq partııanyń saılaýaldy shtaby bastyǵynyń orynbasary Ǵalymjan Mádıev «7-shi» telearna tilshisine suhbat berip, partııanyń júrgizip jatqan ju­mystaryna keńinen toqtaldy. Suńǵat ÁLIPBAI.