Bir atanyń balasy, bir qoldyń salasyndaı bolýymyz kerek

Qazaq­stan­dyq­tar úshin eń qa­sıetti de qasterli Táýelsizdik kúni jańaózendik qandas­tary­myzdyń óres­­kel tirligi bárimizdi dúr silkindirdi, kóńi­li­mizge kirbiń uıala­typ, eńsemizdi túsirdi. Jańaózen qalasyndaǵy keleń­sizdikter – táýelsiz Qazaqstannyń ba­tyl, erkin qadamdaryn kóre al­maǵan, tasada turyp tas atqan syrt­qy kúshterdiń jymysqy, za­lymdyq is-áreketi, aram pıǵyly. Mundaı arandatýshylyqty Táýel­­­sizdiktiń 20 jyldyǵyn keshegi kúnge rızashylyq bildirip, er­teńge úlken úmit artyp, kóte­rińki kóńilmen atap ótken ýaqytqa týra kelgendigi búkil qazaqstan­dyq­tar­dyń ashý-yzasyn keltirip, úlken alańdatýshylyq tý­ǵyz­dy. Muny ulttyq qundylyqtar men eldik namysymyzdy taptap, birtutas qazaq­standyqtardyń rýhanı negizin qur­dym­ǵa ketirýge ba­ǵyttal­ǵan ádeıi uıym­dastyrylǵan is-áre­ket dep sanaımyz. Bul – eldiń sútteı uıyǵan birligine syzat túsirip, ony ishteı ydy­ratý, táýelsizdigimizdiń tamy­ry­na balta shabý, asqaqtaǵan ar­ma­ny­myzdy túbirimen qurtý, eli­mizdiń joǵary bedeline nuqsan keltirý. Árıne, bul anaıylyqtyń ady­my qysqa, barar jeri, basar taýy joq. Budan bylaı biz «Saqtansań saqtaımyn» degen dana­lyqty únemi eske alyp, ár qadamy­myz­ǵa baǵa berip otyrýymyz kerek. Mundaı arandatýshylyq eli­miz­diń tynysh, beıbit tirshiliginiń shyr­qyn buza almaıtynyna senemin. О́ıtkeni, árbir qazaqstandyq táýelsizdiktiń shyn baǵasyn biledi. Táýelsiz, erkin ómir súrýdiń qan­daı tamasha, jasampaz qun­dy­lyq ekenin jaqsy túsinedi. Osyn­daı erkindikti, bıiktikti bizdiń ata-babamyz ómir boıy ańsaǵan, sol úshin kúresip ótken. Prezıdentimiz N.Á.Nazarbaev osy oqıǵaǵa baılanysty sózinde: «Osy oraıda, munaıshylardyń eń­bek daýyn ózderiniń qyl­­­­mys­tyq nıetteri úshin osy jaǵdaıdy paı­­­da­la­nyp qalǵysy kelgen bu­za­­qy­lardyń áre­keti­men shatas­ty­rý­ǵa bol­­maı­dy. Biz bul ispen kim aı­na­lysqa­nyn, qaı­dan qar­jy­lan­­dy­ryl­­ǵa­nyn asha­tyn bola­­myz. Osy jyl­­dar ishin­de Ja­ńa­ózen hal­qy­nyń áleý­met­tik jaǵ­d­a­ıyn she­shý úshin kóp­te­gen sha­­ralar atqa­ryl­dy. Jal­aqy kó­lemi jo­ǵa­­ry­lady. Ár elde sha­shyrap júrgen otan­das­tary­myz­dy Jańa­ózen­ge sha­­qyr­dyq. Olarǵa bar­lyq jaǵ­daı­dy jasa­dyq. Osy úshin olar memleketke rıza bolýy tıis» degen sóz­deri kóp­tegen jáıtterden habar beredi. Bul qaskúnemdiktiń arǵy ja­ǵyn­da elimizdegi mańyzdy saıası óz­ge­ris­terge áser etý pı­ǵy­ly jat­qanyn esten shy­ǵarmaýy­myz kerek. Álemdik ekono­mıkalyq daǵ­d­a­rys, jekelegen elderde saıası tu­raq­syzdyq beleń alyp turǵan dúr­beleńi mol myna zamanda respýblıka táýel­siz­digin qurmettep, ony odan ári turaqty ustap tu­rý­ǵa bári­miz bir atanyń ba­lasyndaı birigýimiz qajet. Tarıhtyń talaı «tar jol, taı­ǵaq keshýinen» aman ót­ken, tórt qu­by­la­syn tú­gen­dep, barsha álem­ge tany­lyp, aıa­ǵy­nan nyq tur­ǵan hal­qy­myz­dyń eren eńbegi men shy­dam­dylyǵy, sabyr­ly­lyǵy, tó­zim­di­li­gi, danalyǵy jáne Elbasy – Ult Kóshbasshy­sy­nyń jan-jaqty oı­las­tyrylǵan sa­lı­­qa­ly, sarabdal saıa­saty­nyń arqa­syn­da Qazaq­stan kóp­te­gen sy­naq­­tar­dan súrinbeı ótti. 20 jyl ishin­de jaý­larymyz kúıi­nip, dos­tarymyz súıi­ne­tindeı kólemdi ná­tıjelerge qol jet­kizdik. Eko­no­mıkamyz nyǵa­ıyp, úde­meli ınnova­sııa­lyq-ın­dýs­t­rııa­lyq damý jolyna túsken, búkil álem­niń na­za­ryn ózine aýdartqan al­dyń­ǵy qa­tar­daǵy elge aınaldyq. Qazaq­stan­nyń osyn­daı aýqymdy ta­bys­tary, qazaq­standyq damý jo­ly keıbir teris pı­ǵyl­daǵy kúsh­­terge una­ma­ǵan kórinedi. Biz 20 jyldyń ishinde jańar­ǵan Qazaqstanǵa kýámiz. Árbir qa­zaq­stan­dyq elimizdiń táýelsiz­dik­ke qan­daı aýyr joldardan ótip, qıyn­dyqpen qol jetkizgenin ba­ǵa­laı bilýge mindetti. Qazirgi jetistikterimizdi maqtan tutamyz, gúl­dengen kúshti Qazaqstandy qoldaımyz! Uıyǵan ult retinde Elbasy – Ult Kóshbasshysynyń tóńiregine buryn­ǵy­dan da tyǵyz toptasyp, táýelsiz­digimizdi nyǵaıta túsip, eli­miz­diń mereıin ósire bereıik. Táýel­sizdik – bizdiń eń basty jetistigimiz, al ony damytý men qorǵaý – aza­mat­tyq boryshymyz bolyp qala bermek. Ýálıhan BIShIMBAEV, M.O.Áýezov atyndaǵy OQMÝ rektory, QR UǴA akademıgi, professor. ShYMKENT.