Azamattyq tanytaıyq

2011 jyly 16 jeltoqsanda bol­ǵan Jańaózen oqıǵasy – Qazaq­stan Respýblıkasy Táýelsizdiginiń 20 jyldyq tarıhynyń sońǵy betterine daq túsirdi. О́kinishti, árıne... Adam shyǵyny bar. Aımaqty shar­­­pyǵan beı-bereketsizdik pen tár­­tipsizdik kórinisteri alǵashqy kún­­nen-aq buqaralyq aqparat qural­dary men teledıdar arqyly berildi. Osy máselege oraı Elba­sy­nyń ha­lyqqa úndeýi jarııalandy, qoǵam jáne memleket qaırat­ker­leri, jastar pikirlerimen bólisti. Olar ha­lyq­­ty sabyrlylyqqa sha­qy­ryp, sút­teı uıyǵan elimizdiń tynysh­ty­ǵyn buzýǵa tyrysqan jymysqy kúsh­­terdiń yqpalyna túspeýge úndedi. Syrt elderge osydan 20 jyl bu­ryn «Qazaq jerinde ulttyq mem­leket qurý óz sheshimin tuń­ǵysh ret tapty» dep, eńsemizdi kóterip maq­ta­na kóterilgen sátte qazaqtyń tu­tas­tyǵyna syzat túsirý – eldigimizge syn. «Alash» – ejelgi túrki sózi. «Baýyrlastar», «qandastar», «týys­tar» maǵynasyn beredi. Bul uǵym kóne zamanda, túrki halyqtary bó­li­ne qoımaǵan qaýym kezinde dúnıege kelgen. «Alash» nemese «Qazaq» ataýynyń Eýrazııa keńistigindegi túrkitildes halyqtardyń jadynda etnoáleýmettik jaralym turǵy­syn­da ornyǵyp, osy ataý alǵash ret etnonımdik máninde Qazaqstannyń batys óńirinde qoldanylǵany týra­ly tarıhı tujyrymdar bar. Mańǵystaý oblysy – úsh júz­den astam áýlıe babalarymyzdyń kıeli mekeni.  Qazaqtyń jerasty baı­lyǵy – munaıymyz qordal­an­ǵan jer. Qazaq jeriniń asty men ústine to­ly tabıǵı baılyq ulan-ǵaıyr jerdegi azǵantaı qazaqqa jetedi. Táýbe!  Qanaǵatshyl bolaıyq, aǵaıyn! 16 jeltoqsanda bolǵan Jańa­ózen oqıǵasy – «saıası máde­nıe­t­sizdik» kórinisi boldy. Búgingi beı­­bit zamanda ózge emes, ózi­miz­di ózimiz áshkerelep, syrtqy saıasatta eldiń bedelin túsirý – «qany qazaqqa» jat qylyq. Bizder, Táýelsizdik tarıhyn zert­teýshi ǵalymdar,  jańaózendik baýyrlarymyzdy ǵasyrlar boıy ata-babamyz armandaǵan táýel­siz­diktiń qunyn túsirmeýge jáne elimizde qalyptasqan jaǵdaıda azamattyq tanytýǵa shaqyramyz! Qazaq qoǵamyn quraýshy árbir azamat táýelsizdik jyldary dú­nıe­ge kelgen urpaqtyń jarqyn bo­lashaǵy úshin birge qyzmet eteıik! Memleket tarıhy ınstıtýtynyń jetekshi tarıhshy-ǵalymdary: B.Aıaǵan, J.Qydyrálına, A.Qashqymbaev,  J.Qalıev,  S.Dúısen, M.Anafınova, A.Ǵabdýllına. ASTANA.